محمد صبحي عن حادثة أحمد فتوح: أول ما خبطه نطيت برة العربية.. وجزء من الجثمان دخل جوه| انفراد
يستكمل القاهرة 24 انفراده بتحقيقات قضية أحمد فتوح لاعب نادي الزمالك، والتي حملت رقم 1939 لسنة 2024 جنايات قسم العلمين المقيدة برقم 1377 لسنة 2024 جنايات كلي مطروح.
أقوال اللاعب محمد صبحي في قضية أحمد فتوح
وحصل القاهرة 24، على أقوال اللاعب محمد صبحي محمد في قضية أحمد فتوح لاعب نادي الزمالك، والمتهم بالتسبب في وفاة المجني عليه أحمد السيد بالخطأ، والقيادة تحت تأثير المخدر.
وقال اللاعب محمد صبحي، أمام جهات التحقيق في قضية أحمد فتوح لاعب نادي الزمالك، والمتهم بالتسبب في قتل المجني عليه أحمد السيد بالخطأ والقيادة تحت تأثير المخدر: اللي حصل أن أنا كنت قاعد في قرية هاسيندا باي بقالي يومين أو تلاتة عشان واخد إجازة من النادي، وامبارح فتوح كان معايا اتفقنا إننا نروح نتغدى بليل مع بعض عند ريكسوس وروحنا فعلا هناك في مطعم، وبعد ما اتعشينا ركبنا العربية وفتوح كان سايق وكنت أنا وواحد اسمه أ.ح معانا، وكنا راجعين على قرية هاسیندا باي، ومرة واحدة وأنا قاعد بلعب في الموبايل لقيت صوت أ.ح بيقول حاسب حاسب بصوت عالٍ وبعدها خبطة جامدة.
محمد صبحي: أول ما العربية خبطت نطيت منها
وأضاف اللاعب محمد صبحي: محستش بأي حاجة لأن أنا أول ما العربية خبطت نطيت من العربية وبعد كده عرفت أن إحنا خبطنا واحد وأنه مات وجزء منه دخل جوه العربية وبعد كده روحنا القسم مع فتوح، وبعد كده جينا على النيابة عشان أشهد إيه اللي حصل.
وواصل: كنا راكبين عربية فتوح وأنا كنت قاعد قدام جنب فتوح وأ. ح كان قاعد ورا، وكنا على سرعة 150 أو أقل وطلعنا من قرية هاسيندا باي ومشينا على الطريق الساحلي ولفينا من أول ملف، ورجعنا تاني اتجاه الإسكندرية وبعد كده لفينا تاني وروحنا المطعم وبعد كده اتحركنا من المطعم وكنا راجعين هاسيندا باي تاني.
