سلوى عثمان: الحماة المسئولة عن نجاح زواج ابنها.. ومش فرض إن مراته تخدمها
كشفت الفنانة سلوى عثمان، عن رأيها في دور الحماة في حياة أبنائها وزوجاتهم وأزواجهن، مؤكدة أن الحماة من أكبر عوامل نجاح العلاقة الزوجية لـ أبنائها.
وجاءت أبرز تصريحات سلوى عثمان التلفزيونية كالآتي:
- الحماة زي ما هي أم لـ ابنها أو بنتها المفروض تكون أم لـ الابن أو البنت اللي جايين عيلتها، وغصب عن الأم بتاخد صف اللي هي مخلفاه ولكن لازم يكون فيه توازن.
- لو أم عندها ابن وحيد هتعمل مشاكل مع مراته وده مش صح، لازم معاملة حسنة.
- الحماة هي المسئولة عن نجاح زواج ابنها أو بنتها، لأنها الأكبر وعندها خبرات.
- الأمهات القاسيين والأنانيين مش كتير.. والأم ليها نظرة ومهمة في الاختيار.
- لو الراجل كويس وحصله وعكة مادية لازم البنت تقف معاه.
- خدمة الزوجة لحماتها مش فرض ولا إلزام، ولو ليها بنات يبقى هما أولى بخدمتها.
- لو مفيش غير مرات الابن يبقى تكرمًا تساعدها.
- مرات الابن تخدم حماتها لو محتاجة ليها أوي خاصة لو غريبة عنها، تاخد ثواب كبير.
آخر أعمال سلوى عثمان
وعلى جانب آخر، يعتبر مسلسل الوصفة السحرية، هو آخر أعمال الفنانة سلوى عثمان، والتي حققت خلاله نجاحًا كبيرًا، والعمل بطولة كل من: شيري عادل، بسمة داود، إسلام جمال، عمر الشناوي، كارولين عزمي، هيدي كرم، لقاء سويدان، سلوى محمد علي، وليد عبد الغني، رانيا منصور، محمد أبو داوود، عماد رشاد، سلوى عثمان، والعمل من تأليف مصنع الحكايات لمؤسسها هاني سرحان، وفكرة مي سعيد، وإشراف على الكتابة دعاء عبد الوهاب، وسيناريو وحوار منة فوزي وإيرين يوسف ومي سعيد وإخراج خيري سالم.
