أحمد ياسر المحمدي في تحقيقات التعدي على فتاة بقطر: محدش صدقني ورئيس النادي أخد موقف مني| انفراد
أنكر اللاعب أحمد ياسر المحمدي خلال مثوله أمام جهات التحقيق القطرية والمصرية في اتهامه بمواقعة فتاة إنجليزية دون رضاها، مؤكدًا أن ما دار بينهما هو برضاها ودون أن يجبرها على شيء، ويواصل القاهرة 24، نشر التحقيقات الكاملة في الواقعة، التي حملت رقم 3416 لسنة 2024، قبل أن يعود اللاعب إلى مصر، لتقرر الجهات القضائية في قطر مخاطبة الإنتربول من أجل مخاطبة الجهات الأمنية المصرية لإلقاء القبض عليه، لاستكمال التحقيقات، وبالفعل هذا ما حدث.
تحقيقات قضية أحمد ياسر المحمدي في اتهامه بمواقعة فتاة إنجليزية دون رضاها
وقال اللاعب أجمد ياسر المحمدي أثناء مثوله أمام جهات التحقيق: بعدما روحت لقيت قطر كلها بتكلمني والدنيا مقلوبة وقسم شرطة مدينة خليفة كلموني وبلغوني أن فيه بلاغ اغتصاب معمول ضدي وتوجهت لقسم الشرطة ده سألوني عن الى اغتصبت واحدة انجليزية وحكيت لهم اللي حصل وان مغتصبتهاش، واللي حصل بنا علاقة جنسية كاملة برضاها من غير أي قوة أو عنف.
وأضاف اللاعب أحمد ياسر المحمدي المتهم بمواقعه فتاة إنجليزية دون رضاها: بعدها اتعرضت على النيابة العامة القطرية واتحقق معايا وطلبوا كل المعزومين في حفلة عيد ميلادي واتحبست شهر تقريبًا بعدها، وأفرجوا عني بكفالة مالية، وبدأت محاكمتي واتحكم عليا، وبعدها عملت استئناف وخدت براءة في تهمة الخمرة، وخمس سنين في تهمة الاغتصاب، وطبعًا الدنيا انقلبت هناك ورئيس النادي اللي بلعب فيه كان واخد موقف مني ومحدش مصدقني إنى مظلوم، ورحت سافرت سيبت دولة قطر تقريبًا شهر سبتمبر سنة 2022 وجيت مصر فضلت مقيم مع أخويا محمد بمنزله بمدينة العبور، وكنت بسافر كل شوية دبي وروسيا وآجي مصر كل شوية، وأنا عايز أثبت إنى ما اعتدتش على إليانور، واللي حصل بينا يوم حفلة عيد كملت الحفلة ميلادي كانت برضاها مش بالعافية.
وواصل: أنا اتقبض عليا امبارح بليل كنت موجود في فندق اسمه صن رايز بشرم الشيخ كنت بصيف عادي ولقيت ضابط جه اتكلم معايا، وقال لى أنت عامل مشكلة أو جريمة قلت له لا كنت فاكر قصده على هنا في مصر، وبلغني إن فيه قرار من النيابة العامة المصرية بالقبض عليا وخدوني من شرم الشيخ على قسم شرطة عابدين، وبعدها اتعرضت هنا في نيابة وسط القاهرة.
