الفلوس اتخلقت عشان تتصرف.. رد نيكول سابا بعد سؤالها عن قيمة ثروتها| فيديو
تحدثت الفنانة نيكول سابا عن الأزمة في لبنان وكيف أثرت عليها وعلى الشعب اللبناني، مشيرة إلى أن كل ما كانت تمتلكه من أموال ضاع هباء.
وقالت نيكول سابا في لقائها مع القاهرة 24: فلوسنا راحت في لبنان وده محسوم من وقت الأزمة وكتر خير الدنيا أنه الواحد قدر يكمل كارير وشغل وعنده طموح أنه يفكر، فبستغرب من الانتقادات لما تيجي تعملي أغاني فريش ولذيذة لأن ده محتاج طاقة ومجهود أكبر إلا بقى لو هروح للأغاني النكدية والناس بتحكم من بره ومحدش يعرف الناس ظروفها إيه وأنا بعمل حاجة أبسطكم بيها ومحدش راضي بحاجة.
وأضافت بسؤالها عن ثروتها قالت: بحب شغلي ومن الناس اللي بيصرفوا على شغلهم واللي بطلعه بصرفه، والفن محتاج إنك تصرفي عليه، وإحنا الستات محتاجين نصرف على نفسنا ولازم تصرفي على الفن علشان يدخلك فلوس.
وأكملت: أنا بصرف كتير وبالنسبة لي الشخص هو اللي بيوجد الفلوس طالما عندك اندفاع وطاقة وبتشتغلي، والفلوس اتخلقت علشان تتصرف، وسبق وحوشنا وراحوا وقت الأزمة في لبنان على حاجات ملهاش لازمة.
