مدحت العدل: المسرح محتاج فلوس وإمكانيات.. وسعيد إني جزء من الحركة المسرحية
أعرب السيناريست مدحت العدل، عن سعادته بمشاركته في الدورة الـ 31 من مهرجان القاهرة الدولي للمسرح التجريبي، بجانب الكشف عن رأيه فيما يحتاجه المسرح خلال الفترة الحالية ليعود بقوته من جديد.
وقال مدحت العدل، في لقائه مع القاهرة 24: شرفت بكوني رئيس لجنة تحكيم مهرجان القاهرة الدولي للمسرح التجريبي، وسعيد بالحضور ده وإني هتفرج على تجارب مسرحية مغايرة ومختلفة، فيلم جموح وتمرد وجنون وتواصل مع اللي بيحصل في العالم الخارجي، مبسوط إني جزء من الحركة المسرحية وأنا راجل سينمائي في الأصل.
وأضاف مدحت العدل: المسرح محتاج إمكانيات علشان يرجع بقوته، المواهب موجودة من الشباب، يعني اللي عامل مسرحية شارلي شابلن المخرج أحمد البوهي، هو في الأساس مهندس ولكنه مخرج عبقري ومثقف وفنان، لما كان فيه إمكانيات عمل شارلي شابلن، المسرح محتاج فلوس تُضخ وهيطلع أحلى حاجة.
تفاصيل مسرحية روميو وجولييت
وسبق وكشف السيناريست مدحت العدل، تفاصيل أجدد أعماله المسرحية الغنائية، حيث قال في تصريحاته لـ القاهرة 24، أنه يعمل حاليًا على تحضيرات مسرحية روميو وجولييت، والتي ستكون من بطولة آسر ياسين، والفنانة أمينة خليل.
مدحت العدل
ومن ناحية أخرى، كشف مدحت العدل مفاجأة بشأن تعاون جديد يجمعه مع الفنانة شريهان، حيث قال في تصريحات تليفزيونية: أنا شايفها في حاجة تاريخية فيها تألق شريهان، فيها تمثيل وغناء واستعراض وسحر، كأنك بتستدعي سحر الماضي وشريهان بتقدمه، وإحنا بنوضب للمشروع ده وهي متحمسة جدًا ولكن هياخد وقت، وربنا يدينا العمر والقوة علشان نقدمه بأفضل صورة للجمهور.
