محمد فؤاد خلال خروج شقيقه من المستشفى: جميلكم على راسي وهفضل شايله في قلبي| فيديو
حرص الفنان محمد فؤاد على توجيه الشكر للطاقم الطبي المعالج لشقيقه الأكبر، وذلك قبل لحظات من خروجه من المستشفى، بعد خضوعه لعملية جراحية قبل أيام على إثر تعرضه لجلطة في القلب، مساء الاثنين الماضي.
محمد فؤاد يشكر الفريق الطبي المعالج لشقيقه
وقال محمد فؤاد في فيديو التقط بعدسة القاهرة 24: متشكرين لتعبكم من أول واحد لأكبر واحد.. محدش يعرف يجامكلم غير رب العالمين، واللي بتعملوه مالوش مكافأة على وجه الأرض وممتن لحضرتك يا دكتور وللأفاضل.. أنا عارف أنكم بتعملوا ده مع كل الناس، لكن أخويا ده حاجة تخصني، ولذلك هفضل شايل جميلكم في قلبي، ليكم وعلى راسي من فوق.
مشاجرة محمد فؤاد وأحد أطباء مستشفى عين شمس التخصصي
وكانت نشبت مشاجرة بين محمد فؤاد وأحد الأطباء العاملين بمستشفى عين شمس التخصصي، خلال وجود الفنان هناك لمتابعة الحالة الصحية الحرجة لشقيقه الأكبر، مما أدى إلى تراشق بالألفاظ بين الطرفين وتحرير محاضر في قسم الشرطة.
بعد يوم من الواقعة بادر الفنان محمد فؤاد بالصلح في أزمته مع طبيب مستشفى عين شمس التخصصي، وقال في فيديو حصل عليه القاهرة 24: والموضوع ده كان سبب إننا ننقذ أخونا، ربنا جعل الموضوع ده سبب عشان نلحقه، وإحنا ماشيين على قدر الله وكل اللي يكتبه ربنا كويس الحمد لله.
واستمعت جهات التحقيق بالقاهرة، مساء اليوم الخميس، إلى أقوال المطرب محمد فؤاد في واقعة مشاجرة مع طبيب بمستشفى عين شمس التخصصي.
