ماذا حدث لـ reem hamed فى الساعات الأخيرة
سر البخور والتجسس في واقعة الباحثة ريم حامد قبل وفاتها بفرنسا.. وشقيقها: محدش يتكلم عنها
أثار وفاة الباحثة ريم حامد في فرنسا العديد من التساؤلات، بعد نشرها العديد من البوستات عبر صفحتها الشخصية على موقع التواصل الاجتماعي فيس بوك، والتي أكدت من خلالها أنها تعرضت للتجسس والمراقبة خلال وجودها في شقتها المقيمة بها أو في حياتها اليومية، وكشفت ريم حامد قبل وفاتها وجود بعض الأشخاص لمراقبتها على مدار اليوم، لدرجة أن إحدى جاراتها كانت تطلق بعض البخور من أسفل باب شقتها، وحاولت ريم حامد التواصل مع الشرطة والإبلاغ عن تلك الوقائع، لكنها لم تجد حلا لتلك المشاكل.
وفاة الباحثة ريم حامد reem hamed في فرنسا
بدأت واقعة وفاة الباحثة ريم حامد reem hamed في فرنسا بعد نشر أحد أصدقاء ريم مطالبا بحقها، وكشفت ريم حامد قبل وفاتها عبر صفحتها على موقع التواصل الاجتماعي وجود تهديدات ومراقبة لها، وكتبت ريم عبر صفحتها في وقت سابق: أقر أنا ريم حامد طالبة دكتوراه في فرنسا، في أشد الحاجة لتبليغ الجهات المعنية في مصر؛ لأني تحت المراقبة وأجهزتي مخترقة، وفوق هذا حاليا يتم جبري للسكوت والصمت وعدم التبليغ.
وتابعت: وأنا مستمرة في العمل تحت الظروف، وبالتالي قد أكون تورطت معهم في جريمتهم بالقبول بأفعالهم من التجسس واستخدام التوجيهات السياسية داخل محيط العمل وسكن الجامعة للتجسس علي أيضا.. أنا أرفض العمل في هذه الظروف.. أنا تحت ضغط ومراقبة، ومؤخرا يتم تهديدي بحياتي.. والمحرك لهذا هو رئيس الوحدة التي أعمل بها.
وقالت الباحثة ريم حامد قبل وفاتها في فرنسا: البجاحة وصلت إن جارتي بتجيب مواد مخدرة عبارة شيء بيعلي نبض القلب وتقعد تبخرها من تحت الباب لحد ما تسد نفسي وأكلم البوليس ما فيش حد ييجي، وأحط مياه علشان أوقف البخار، تزود مواد على المياه وتحطها في بيتي.. أبلغ مش نافع، والجريمة عيني عينك، وطبعا ده شكله طبيعي هنا ولا إيه؟ الأستاذة نفس الشخص اللى حسابها نزلت صورته قبل كده علشان حضرتها قاعدة بتتجسس علي الناس في المبني.. مش كفاية جريمة تعدي على الأمن الشخصي حاليا دخلنا في المواد المخدرة أو المواد غير المصرح بها.. اللى أقدر أقولهولها إنها بتحرق العين والأنف، وبتعلي نبض القلب، وده بيحصل داخل سكن تابع للجامعة عادي جدا.. وكل ده للتستر على جريمتها الأولى.
وكتبت ريم حامد المتوفاة في فرنسا: مؤخرا بقي أي مطعم أدخله أعمل منه طلب يدخل حد قدامي وييجي تليفون للمطعم للشخص اللي بياخد الطلب، وبعدين الطلب بيتم تحضيره بشكل مختلف.
ومؤخرا نبض قلبي بقى أعلى نتيجة لده، ومن بجاحة اللي بيدخل قدامي بيقول إني عندي مشكلة وده لصالحي.. طبعا بلغي الطلب، دلوقتي بقي بيعملوا إيه قبل ما أروح بمعرفة الأماكن الحلال.. وهكذا اللى هو هنديكي حاجات تقلل نشاط عقلك بالإكراه علشان مش تعرفي المصائب اللى بيعملها فيكي.. وده مش طبيعي دي جرايم متكاملة.
تهديد ريم حامد في فرنسا
وروت ريم حامد قصة أخرى عبر صفحتها على موقع التواصل الاجتماعي: أنا حاليا في محطة الأتوبيس عادي جدا قدامي ما يقرب من 5 أشخاص حركاتهم مش مريحة، وغير كده لما لاحظت ده اتجهوا إلى البوليس لتبليغهن وأنا قاعدة في حالي.. تقريبا كانوا بيراقبوا ولما اتعرفوا اضايقوا، وحاليا واقفين وبيحاولوا يصورني ويعملوا أي قصة يروحوا بيها للبوليس، حقيقة مش عندي غير إني أوثق، لأن حياة الواحد في خطر، وكله بحركات ترجع لنفس الجذور ونفس الأهداف.
ريم حامد
وتابعت الباحثة ريم حامد في بوست آخر: من فترة طلبت كاميرا من باب الحماية والأمان علشان أحطها داخل بيتي وأشغلها وأنا برة فقط، من باب تجنب إن حد يحط حاجة لأني لاحظت تغير بعض أماكن حاجات من فترة، النهاردة كلمني الشخص اللى بيوصلها قالي كلمي حد تاني، ده من باب كسب وقت مش عارفة عشان يحطوا ايه فيها صراحة ده مش طبيعي! ورفضت الاستلام ومش هحط حاجة تانية وهكتفي بأني بلغت أكتر من مرة إن في حد بيدخل سكني وفي أدلة على كده، وبالنسبة إني أسيب كل شيء وأرجع مصر ده مش حل، بالعكس تمام الأذى هيوصل في أي حتة باستخدامهم علاقاتهم، وده اللي بيعملوه حاليا، بكتب ده ليه؟ للتوثيق علشان حقيقة مش عارفة أبلغ، ومش عارفة ديه مؤامرة جديدة ولا إيه؟!
شقيق ريم حامد يطالب بعد نشر أي تفاصيل عنها
وكتب نادر حامد شقيق ريم حامد عبر صفحته على موقع التواصل الاجتماعي فيس بوك: السلام عليكم يا جماعة.. أنا نادر أخو ريم حامد.. بعد إذنكم محدش يتكلم عن أي تفاصيل ليها علاقة بالوفاة لأنه مافيش أي حاجة مؤكدة، ولا أي دليل جنائي لحد دلوقتي.. الكلام المكتوب قد يضر بحق ريم.
وأضاف شقيق ريم حامد: من فضلكم نركز بس إننا ندعيلها ونقرأ ليها قرآن، وندعي لوالدتها عشان حالتها صعبة جدا.. أتمنى إن الناس لو فعلا مهتمين بريم إننا نبطل نتكلم عن أشياء غير مؤكدة وقضية قيد التحقيق، ونبطل نشير البوستات القديمة بتاعتها ورسائلها، من فضلكم نحترم خصوصية ريم أختي، إحنا متابعين مع محامي هناك، والشرطة الحمد لله أول ما توصل لأي حاجة أنا هبلغكم كلكم، وده حسابي وهيبقي المصدر الوحيد لأي حاجة تخص ريم أختي، جزاكم الله خيرا وشكرالله سعيكم.
سفارة فرنسا تتابع قضية ريم حامد
ومن ناحية أخرى، أكد علاء يوسف سفير مصر في فرنسا، أن السفارة تتابع قصة وفاة ريم حامد، وجارٍ التواصل مع السلطات الفرنسية حول ملابسات الواقعة.
