محامي شيرين عبد الوهاب يكشف سبب تنحيه عن قضاياها: كلامها مع عمرو أديب ضايقني.. ولازم أحافظ على اسمي
تحدث المستشار القانوني ياسر قنطوش عن تفاصيل تنحيه عن قضايا الفنانة شيرين عبد الوهاب، وعدم استكمال العمل معها، بعد تصريحاتها مع الإعلامي عمرو أديب، رغم تأكيده أن ما تم ذكره في المداخلة كان يقصد به محام كان مسؤولا من قبله عن قضاياها مع شركة روتانا، وأن الحوار مجتزأ.
وقال ياسر قنطوش محامي الفنانة شيرين عبد الوهاب، في لايف عبر القاهرة 24: متواصلتش معاها لأن حديثها مع عمرو أديب ضايقني شوية، ومكنتش عاوز أتكلم معاها وأنفعل، لأني حريص على شيرين، وعلاقتي بيها كلها احترام وحب على مدار سنيتن وأكتر، ومقدمتش ليها غير كل خير، وكل الاحترام والتقدير لها.
صعب أكمل بعد الكلام اللي اتقال على الهواء
وأضاف ياسر قنطوش: صعب أكمل بعد الكلام اللي اتقال على الهواء لأن اللي اتقال الوطن العربي كله سمعه وأنا راجل ليا 30 سنة في المهنة دي وبحافظ عليها وعندي في الوسط فنانين كتير وسياسيين وإعلاميين ومحدش قال كلام زي ده عني، لأن ده سمعة مكتب وكيان كبير، وشغلي يحتم عليا أوضح للناس مين بيتكلم غلط ومين مش فاهم شغله، والشغل اللي شيرين اتكلمت عنه مش منسوب ليا على الإطلاق، وأنا بحافظ على اسمي مش حاجة تانية.
وواصل محامي شيرين عبد الوهاب: أنا بحترمها وأقدرها واللي بيني وبينها كبير، وما شفتش منها غير كل خير، وهي ما شافتش مني غير كل خير، وكانت بتلاقيني معاها في أي وقت حتى لو الساعة أربعة الفجر.
واختتم: حاولت أوضح مع عمرو أديب معرفتش، وللأسف الحوار مجتزأ وأنا مسجله كامل، وفيه حاجات معينة لا تعليق عليها.
