محامي شيرين عبد الوهاب يكشف إمكانية تراجعه عن التنحي: كرامتي فوق كل شيء.. ومعاتبتهاش بسبب ظروفها
تحدث المستشار القانوني ياسر قنطوش محامي شيرين عبد الوهاب، حول إمكانية تراجعه عن قرار التنحي عن قضايا شيرين عبد الوهاب ومواصلة العمل معها.
وقال محامي شيرين عبد الوهاب، في لايف مع القاهرة 24: اللي بيني وبين شيرين كبير على مدار سنين وما شفتش منها إلا كل خير وهي برضه ما شافتش مني غير كل خير، وأنا عمري ما تخليت عنها، وكانت بتلاقيني في أي وقت حتى الساعة أربعة الفجر، وأنا متخلتش عنها لكن بحافظ على اسمي وكياني، ومكمل في القضايا لحد ما هي تلاقي حد مناسب، لكن هي اضطرتني لكده.
محامي شيرين عبد الوهاب يكشف إمكانية تراجعه عن التنحي: كرامتي فوق كل شيء.. ومعاتبتهاش بسبب ظروفها
وأضاف ياسر قنطوش عن تواصله معها ومعاتبتها: هي عرفت والكلام ده بقاله 24 ساعة ومش محتاج اتكلم، لأني واخد قرار وهي اللي فيها مكفيها وربنا يقويها على اللي هي فيه.
وواصل محامي شيرين عبد الوهاب عن إمكانية تراجعه عن التنحي: أي حاجة تحافظ على كرامة البني آدم واسمه وشغله.. أنا بذلت مجهود كبير وعارف إيه اللي جاي لشيرين.. شيرين قضاياها مش في جبهة واحدة لكن في مجموعة جبهات واتجاهات مختلفة وخصوم كتير ويعز عليا آخد قرار زي ده، ولكن لما تيجي كرامتك قصاد حاجة رغم المغريات هتختار كرامتك فوق أي حاجة تانية.
وأشار محامي شيرين إلى أن الفنانة سبق أن أخبرته أنها لن تتحدث للإعلام مرة أخرى، أو على السوشيال ميديا، وتفاجئ بها في مداخلة مع عمرو أديب.
