مركب 3 دعامات.. خضوع مجدي عبيد بطل حديث الصباح والمساء لقسطرة قلبية
تعرض الفنان مجدي عبيد، بطل مسلسل حديث الصباح والمساء، لوعكة صحية شديدة خلال الساعات الماضية، ونُقل على إثرها لأحد المستشفيات بالقاهرة.
وكشفت زوجة مجدي عبيد، في تصريح خاص لـ القاهرة 24، تفاصيل تعرضه لوعكة صحية ونقله العناية المركزة، قائلة: مجدي تعب مرة واحدة ونقلناه المستشفى وطلع عنده جلطة، هو جاله جلطات قبل كده ومركب 3 دعامات في القلب، ولسه هيعمل قسطرة في القلب.
وتابعت زوجة مجدي عبيد: الجلطة جت لمجدي لأسباب صحية، طبيعي أي حد عنده مشاكل والناس كلها كده، ولكن الجلطة مش لأسباب نفسية ولكنها لأسباب صحية.
مجدي عبيد
ومن ناحية أخرى، سبق وأن تعرض الفنان مجدي عبيد، لوعكة صحية وأُصيب بجلطة في القلب، وكشف تفاصيلها في تصريحاته السابقة مع القاهرة 24، قائلًا: جاتلي جلطتين وراء بعض، بسبب إني كنت بفكر كتير في حالتي، وإني مش بشتغل كتير، وأنا حاسس إن جوايا طاقة وعندي حلم عايز أوصل له، لكن حاليًا الحمد لله أنا بصحة جيدة، وبعاني من صعوبة في الحديث، لـ تأثير الجلطة عليا.
وأضاف مجدي عبيد: كان الأساس عندي إني أقدم حاجة كويسة للجمهور، وأكون قادر أعملها زي مشاركتي في مسلسل حديث الصباح والمساء، لكن للأسف متعرضش عليا أعمال، وكان اللي بيتعرض مش بقوة شخصية أبو الروس، ولكن قبلتها علشان آكل عيش.
