نورين أبو سعدة: درست في فرنسا من غير علم والدي.. وجالي أفلام ومسلسلات بسبب أغنية بصباصة
تحدثت الفنانة الشابة نورين أبو سعدة، عن تفاصيل أغنيتها الشهيرة التي تحمل اسم بصباصة، موضحة أنه تم اكتشافها في مجال التمثيل بعد طرحها للأغنية.
وأوضحت نورين أبو سعدة، خلال حوارها مع الفنانة والإعلامية إسعاد يونس، أنها قررت دخول الوسط الفني قبل دخولها الجامعة، قائلة: من وأنا في المدرسة كنت عايزة أمثل، وبعدين خرجت من المدرسة ودخلت الجامعة في فرنسا فنون جميلة ومسرح، والدي مكنش يعرف أني بدرس فنون جميلة ومسرح وكان عايزني أدخل حقوق، مش عارفة هدخل حقوق إزاي وأنا مبعرفش أدافع عن نفسي، وقولتله أني هدرس تسويق ولكن اتقبلت في فنون جميلة ومسرح، ودخت ورش تمثيل في فرنسا ولوس أنجلوس.
وأردفت نورين أبو سعدة، عن تفاصيل أغنية بصباصة: كلمة بصباصة قماصة كانت ارتجال مش المفروض تنزل في الأغنية، لكن صممت تفضل فيها، وبعدها بسنة عملنا فيديو في البيت أنا وأصحابي، وواحد صاحبي مخرج إعلانات صورها بالموبايل وعمل المونتاج، علشان كده الفيديو طلع حلو، وتقريبا الناس اكتشفتها بعد فترة، بعد ما نزلت أغنية اسمها مش فاكراك.
وأضاف: وقت أغنية بصباصة كنت بلعب، وابتدت الناس تشوفني ويحبوني ويعملولي فولو، والأستاذة أيتن أمين اكتشفتني من الأغنية دي أصلًا مع إنها قبل ما تنتشر، وكلمتني عشان نشتغل مع بعض في فيلم آل شنب، والأغنية انتشرت بعد ما الفيلم اتعرض في مهرجان الجونة أصلًا.
واستكملت: بعد أغنية بصباصة، جالي فيلم الهوى سلطان هيتعرض قريب مع الفنانة منى شلبي وأحمد داوود، وكمان مسلسل مسار إجباري اللي اتعرض في رمضان 2024.
