تحديد أولى جلسات محاكمة المتهمة بقتل شاب بسبب خلاف على أولوية الركوب بالطالبية

حددت الدائرة 35 بمحكمة جنايات القاهرة المنعقدة بزينهم، جلسة 8 سبتمبر، أولى جلسات محاكمة المجني عليها، بائعة الجرجير المتهمة بقتل شاب باستخدام سلاح أبيض- سكين، لخلاف دار بينهما على أولوية ركوب توكتوك، ثالث أيام عيد الفطر المبارك بمنطقة الطالبية.

تحديد أولى جلسات محاكمة المتهمة بقتل شاب بسبب خلاف على أولوية الركوب بالطالبية

وبدأت تفاصيل الواقعة، عندما تبلغ لقسم شرطة الطالبية من مستشفى أم المصريين العام، بوفاة أحد الأشخاص عقب وصوله إثر إصابته بجرح طعني نافذ من الجهة اليسرى.

بالانتقال والفحص تبين مصرع أحد الأشخاص يُدعى خالد.م، إثر حدوث مشادة كلامية بينه وبين فتاة بالمنطقة، تطورت لمشاجرة على إثر أسبقية استقلال توك توك، فأحضرت المتهمة سلاحا أبيض - سكين، تستخدمه في فرش الخضار خاصتها، وأحدثت إصابته التي أودت بحياته، وبإجراء التحريات تبين أن مرتكبة الواقعة فتاة تدعى هند وشهرتها هند جرجير، تعمل بائعة خضار.

وجاءت أقوال بائعة الخضار المتهمة بقتل شاب بمنطقة الطالبية كالتالي: اللي حصل أن المجني عليه ضربني بالرجل في رجلي، وأنا قلعت الشبشب بتاعي وقتها علشان أضربه بيه راح واخده من إيدي وضربني بيه على راسي، وأنا كنت بصوت علشان أستنجد بالناس، وساعتها كان سواق التوك توك واتنين تانيين ماشيين في الشارع بيحاولوا يفضوا الخناقة، وأنا مكنتش عارفة أعمل إيه، فأنا جريت على فرشة الخضار بتاعتي وجبت سكينة الخضار اللي بقطع بيها الخضار، وهو طلع مطواة من جنبه ومسكتها من أيده وكنا بنهوش في بعض وبعدين أنا ضربته في صدره وطلعت أجري.

اعترافات بائعة الخضار المتهمة بقتل شاب بالطالبية: كنت بدافع عن نفسي ومكنتش اقصد أموته

فتاة الطالبية.. تجديد حبس المتهمة بقتل شاب بسبب أولوية ركوب توكتوك بالطالبية

وأضافت بائعة الخضار المتهمة بقتل شاب بالطالبية: بعدين هو جري ورايا من أول الصيدلية لحد محل الكهربائي بتاع عبده القط، وقتها أنا أتكعبلت ووقعت على الأرض وهو وقع وصاحبه اللي كان معاه قومه من على الأرض، وسنده ووقف توك توك، وبعدين هما ركبوا ومشيوا وبعدها أنا رجعت على فرشة الخضار بتاعتي لميت الفرشة وغطيتها، ووديت العربية الكارو الجراج اللي بجرج فيه وقولت أروح على بيتي اللي في الطالبية، عشان كنت خايفة لأحسن العيال دي يجيبوا ناس ويرجعوا يعوروني.

وأكملت المتهمة أقوالها أمام جهات التحقيق، قائلة: المشاجرة دارت بينا حوالي عشر دقائق، وأنا كان في دماغي أن الموضوع يخلص وميعورنيش وميطولنيش بالمطواة اللي كانت معاه، والكلام ده حصل يوم الجمعة 12/ 4/ 2024 حوالي الساعة 10 الصبح قبل صلاة الجمعة في شارع العروبة قدام صيدلية الحسيني بمنطقة الطالبية، وأنا كنت لوحدي وكان في واحد سواق توك توك واقف معانا معرفش اسمه، واللي حصل أنا قولت عليه وأنا اللي رحت سلمت نفسي ومحدش قبض عليا.