كلمت جوزي يهدي أخويا لما اتعاكست.. أقوال زوجة إمام عاشور بواقعة التحرش بها في مول بالشيخ زايد| انفراد
كشفت تحقيقات واعترافات إمام عاشور، لاعب النادي الأهلي، في اتهامه بالتعدي على فرد أمن بمول أركان بالشيخ زايد، التي دارت أحداثها يوم 19 يونيو الماضي، تفاصيل تعرض زوجته للمضايقة والمعاكسة على يد مجموعة من الأشخاص داخل المول، والتي زعمت فيها زوجة عاشور تباطؤ أفراد الأمن بالإمساك بهم فأخبرت زوجها والذي حضر وتشاجر مع أفراد أمن المول رفقة صديق له وآخرين.
اعترافات زوجة إمام عاشور بواقعة التحرش بها
ويستكمل القاهرة 24 انفراده بنشر أقوال ياسمين. م، زوجة إمام عاشور، لاعب النادي الأهلي، في القضية رقم 2684 جنح الشيخ زايد، إذ قالت في التحقيقات: أنا روحت مجمع دور عرض السينما يوم الأربعاء 19/6/2024 وروحت أنا وأخواتي لقاعة السينما بمول أركان بلازا الشيخ زايد، وكان معايا عمر أخويا ومعاذ أخويا الصغير ومرات أخويا وأختها، وشوفت مجموعة شباب كانوا موجودين وأول ما عديت من قدامهم قالوا كلام مش كويس.
زوجة إمام عاشور تروي تفاصيل واقعة التحرش بها
وأضافت زوجة إمام عاشور بالتحقيقات: الشباب قالوا دي مرات إمام عاشور وعاكسوني لفظيا، والكلام دا حصل في الدور الأول تحت، وأنا طلعت على القاعة اللي فوق بمجمع سينمات أركان بلازا واحد فيهم كان لابس تيشرت فوشيا محمر، وواحد ااني لابس تيشرت أبيض، أنا معرفش أساميهم إيه بس لو شفتهم هعرف أشكالهم.
زوجة إمام عاشور: كلمت جوزي علشان يهدي أخويا
وتابعت زوجة لاعب النادي الأهلي بالتحقيقات: أخويا معاذ قالي خليكي هنا، ووقفت مكاني بعد السلم الكهرباء، واستنينا عمر أخويا وأخدنا ودخلنا السينما بعد ما تحرشوا بيا لفظيا، معاذ أخويا كان متنرفز وأنا توترت فكلمت إمام عاشور جوزي وأنا في السينما علشان يكلم أخويا معاذ يهديه بسبب أنه متعصب علشان فيه ناس ضايقوني وهو عايز يتكلم معاهم، وإمام كلمه ومعاذ حكي لإمام اللى حصل، وزوجي قال له متعملوش حاجة وبعد السينما روحوا قولوا لمشرفين الأمن.
