ربنا يهديه.. صاحب قاعة فرح عريس الدقهلية عن فيديوهات الخطف: اتخضيت لما قالوا العريس مخطوف
تصدرت فيديوهات خطف عريس الدقهلية، منصات التواصل الاجتماعي خلال الساعات القليلة الماضية، حيث ظهر عريس الدقهلية في مقطع فيديو بعد انتهاء حفل زفاف وأثناء توجه إلى عربية الزفة ومعه عروسته، تعرض حينها للخطف، ليتحول الفرح إلى مأتم، ليتضح فيما بعد أن هذا المشهد كان مجرد مقلب من يوتيوبر مصري لديه قناة باسم جمهورية أحمد وأمل.
خطف عريس الدقهلية
وانعكس التريند الذي فعله عريس الشرقية بعد فيديوهات اختطافه، بشكل سلبي، حيث أثارت الفيديوهات غضب واستياء المتابعين، والتفاعل مع المشهد بشكل سلبي، وخاصة مع تبين الأمر مقلب من العريس بالاتفاق مع أهله وأصدقائه.
صاحب قاعة فرح عريس الدقهلية يروي الكواليس
وقال صاحب قاعة فرح عريس الدقهلية، في تصريحات خاصة لـ القاهرة 24: هو طلع من القاعة بعد الفرح ما خلص، وعمل اللي عمله برا في الشارع واللي حصل خارج عننا، إحنا عملنا شغلنا والفرح خلص، والمقلب حصل برا القاعة.
كواليس فرح عريس الدقهلية
وتابع صاحب قاعة فرح عريس الدقهلية: أي حاجة حصلت بعد الفرح إحنا مش مسئولين عنها، بعد ما الفرح خلص وكنت قاعد في القاعة مع عمال النظافة عشان ننضف المكان بعد الفرح، وفجأة سمعت صوت صريخ ستات، طلعت أشوف في ايه قالوا العريس اتخطف، ومكنش عندي علم باي حاجة حصلت، حتى أنا سألت إزاي مخطوف والناس حواليه بتصور ومش عايزين ينقذوه.
مقلب عريس الدقهلية
وأضاف صاحب قاعة فرح عريس الدقهلية: رجعوا قالوا ده مقلب، لكن إحنا اتخضينا وقلقنا، ربنا يهديه العريس حكايته كبيرة، العريس أصلًا متجوز وعنده عيال من العروسة دي، وعامل لها فرح تاني، وموضوع الخطف دا مكناش نعرف عنه حاجة وحصل بعد ما خرجوا من القاعة، وهما طالعين يركبوا العربية.
واستكمل صاحب قاعة فرح عريس الدقهلية: كل اللي حصل أصلًا إن العريس والعروسة يوتيوبر وقالوا يعملوا فرح تاني، وكانوا عازمين خلايجة من الكويت وكان معاهم بودي جاردات، وعيلة العريس كلها فاتحين قنوات على تيك توك، وموقف الخطف اللي حصل دا أنا فكرته بجد واتخضيت.
