مروة عبد المنعم: مبعرفش أقول لحد شغلني معاك.. وكنت مستنية تامر حسني يوفي بوعده ومحصلش
تحدثت الفنانة مروة عبد المنعم، عن عتابها للفنان تامر حسني، حيث أوضحت أنها لا تعلم سبب انقطاع علاقة الصداقة والعمل بينهما منذ وقت طويل، مشيرة إلى أن العتاب كان من باب الصداقة وليس أكثر.
وقالت مروة عبد المنعم، في تصريحاتها لـ القاهرة 24: أنا وتامر حسني عملنا دويتو في الأفلام حلو جدًا وبعدين هو وعدني أني هكون معاه في أعمال كتير، الناس فاكرة إننا أصحاب ولكن هو مرة واحدة اختفى من حياتي، وأنا معرفش إيه السبب ولا عارفه أوصله، تامر هو اللي يعرف يوصلي.
وأضافت مروة عبد المنعم: ملومتش على تامر حسني، ولكن أكيد زعلانة من منطلق الصداقة وكنت مستنية أنه يطور نجاحي أنا وهو أو يوفي وعده معايا ولكن محصلش، هو لو عايزني بيعرف يوصلي كويس، وفي الآخر أنا مبعرفش أقول لحد شغلني معاك وأنا شغالة وعايشة حياتي وزي الفل.
عتاب مروة عبد المنعم لـ تامر حسني
وكانت الفنانة مروة عاتبت الفنان تامر حسني، وذلك خلال تصريحات تليفزيونية قائلة: معنديش خلافات مع حد، وبقوله زعلانة منك، أنت مش مجبر إني أبقى معاك على طول لكن أنت وعدتني وقولت لي مش هسيبك وعملنا دويتو حلو ونجح، أنا اللي بسألك ليه مفكرتش تستثمر هذا الدويتو، وأنا عمري ما هرفض إني أمثل معاك، أنا بحبك وزعلانة منك.
