عبده الوزير: بيني وبين ربنا عمار كبير بقعد في أوضتي 3 أيام أبكي وأصلي.. ومجاليش اكتئاب لما سبت الفن
أكد الفنان عبده الوزير، إنه لم يصب بالاكتئاب بعد توقفه وابتعاده المفاجئ عن الوسط الفني، موضحًا أنه لم يتوقف عن التمثيل ويمارسه في حياته الطبيعية رفقة أصدقائه.
وقال عبده الوزير لـ القاهرة 24: قدمت مسرحيات عالمية ونجحت في أكاديمية الفنون وعملت أكتر من 74 مسلسل مع كبار النجوم في مصر والمخرجين برا مصر، و22 فيلم، و37 مسرحية كمحترف مع كبار مخرجين المسرح المصري، وفجأة أتوقف وميحصليش اكتئاب؟، قسمًا بالله ما حصلي ساعة اكتئاب لغاية دلوقتي، أنا لم أتوقف عن التمثيل أنا بمثل في البيت ومع اللي بيمثلوا في التلفزيون ومع أصحابي.
وأضاف أنه يخضع لجلسات التأمل والعبادة بمفرده، قائلًا: بيني وبين ربنا عمار كبير جدًا وبقعد أتكلم معاه ومبسبش فرض، بحب أكون لوحدي حتى في بيتي ممكن أقعد في أوضتي 3 أيام مخرجش وقعدت اتكلم مع ربنا وأعيط وأصلي وأقيم الليل، أنا بحب علاقتي بـ ربنا جدًا.
عبده الوزير
وسبق أن كشف عبده الوزير عن سبب غيابه عن الفن لمدة 14 عاما، قائلا إنه أقدم على اتخاذ تلك الخطوة بعد انعدام القيم في بعض الأعمال الفنية على حد تعبيره، ولم يقبل المشاركة في أعمال فنية يظهر بها عنف وقتل، موضحا: أنا ملقتش الصح والتربية اللي اتربيت عليها والدراسة اللي درستها على يد العظماء، اللي علموني يعني إيه احترام الفن والجمهور وإن وأنت قاعد مع أسرتك قدام التليفزيون متلاقيش حاجة تخجل منها.
