دخلت تخس خرجت ميتة.. والدة ضحية عملية تكميم المعدة بكفر الشيخ: ملحقتش أفرح بيها والدكتور السبب | بث مباشر

استغاثت أسرة فتاة تدعى مروة 22 عامًا، مقيمة في محافظة كفر الشيخ، وذلك بسبب وفاتها نتيجة الإهمال الطبي بعد خضوعها لعملية تكميم المعدة على يد أحد الأطباء، حيث أُصيبت بتسمم في الدم أدى إلى وفاتها.

وفاة فتاة بسبب الإهمال الطبي بكفر الشيخ

وقالت والدة الضحية إن ابنتها أجرت عملية تكميم بالمعدة على يد أحد الأطباء في محافظة كفر الشيخ، وبعد أسبوع أُصيبت بخراج مكان العملية مما أدى إلى إصابتها بتسمم في الدم وجلطة بالشريان الرئوي.

وتابعت: بنتي كانت تعبانة بعد العملية وجالها تسمم في الدم.. كانت بتبعت للدكتور وتقوله الحقني أنا بموت يقولها انتي مافيش فيكي غير الصحة والسلامة.. تقوله يا دكتور باكل معلقة الزبادي بتنزل في معدتي كأنها مياه نار وبرجع وكان بيرد عليها نفس الرد.

وأضافت والدة الضحية أنه بعد تدهور حالة ابنتها تم نقلها لأحد المستشفيات وهناك أجرت العديد من التحاليل الطبية، والتي أثبتت إصابتها بتسمم شديد في الدم، ثم بعد ذلك فارقت الحياة لهذا السبب.

واستكملت: بنتي ماتت بسبب العملية اللي عملتها على إيد الدكتور اللي واخدها تجارة.. كان نفسها تخس بس كانت بتموت قدامي كل يوم من بعد العملية قدام عيني.. والدكتور كان مصمم إن كل اللي حصلها ده مش من العملية وشوية يقولي دي عندها كورونا وشوية يقولي ده عندها جرح هو اللي عملها التسمم.

وأوضحت والدة الضحية أن حالة ابنتها الصحية، كانت جيدة للغاية قبل أن تجري العملية، إذ لم تشتكِ من قبل من أي مرض أو أي مشكلة صحية.

واختتمت: قلبي موجوع على بنتي وحسبي الله ونعم الوكيل في اللي كان السبب.. قتل فرحتي بيها وحرمني منها قبل ما أفرح بيها وأشوفها عروسة.