المسامح كريم.. تامر حسني يقبل اعتذار المطربة شذى
قَبِل الفنان تامر حسني، اعتذار المطربة شذى، وذلك بعد تصريحاتها الأخيرة عنه بأنه لم يدعمها، وأنه اختفى بشكل مفاجئ من حياتها بعد وفاة والديها والأزمة النفسية التي مرت بها.
وكتب تامر حسني، تعليقًا على منشور اعتذار شذى عبر منصة تبادل الصور والفيديوهات إنستجرام: ولا يهمك يا أوزه، كفاية إنك كتبتي الكلام الجميل ده ربنا يوفقك ويسعد قلبك يا رب.. المسامح كريم.
لترد شذى على تعليق تامر حسني، وتعلق: روح قلب أوزه، تستاهل كل حاجة حلوة والله يا أبو قلب أبيض وحلو زيك.
شذى تعتذر لتامر حسني
وسبق وأن قدمت المطربة شذى اعتذارًا للفنان تامر حسني، إذ كتبت عبر إنستجرام: من غير ما أفكر وأحاول أرتب الكلام أنت أكتر واحد في العالم عارف حبي ليك قد إيه، وأكتر واحد برضه عارفني وعارف إني على الله حكايتي ودماغي بتسوحني كتير حقك عليا ودايما العتاب بيكون على قد الغلاوة وعلشان غلاوتك كتير هبّت معايا زيادة متزعلش مني، وهتفضل صاحب عمري اللي عدينا مع بعض كتير الوحش قبل الحلو.
كما كشفت شذى تفاصيل تصالحها مع تامر حسني، إذ قالت شذى خلال تصريح خاص لـ القاهرة 24: أتصالحت أنا وتامر، وهو كان زعلان مني وأنا قولت ليه متزعلش مني، والصورة اللي جمعتنا معًا كانت من 4 ساعات.
