ابنة أحمد راتب: والدي رفض الاعتزال.. وفي آخر أيامه اشتغل بلا حساب
تحدثت لمياء ابنة الفنان الراحل أحمد راتب، عن عشق والدها للفن، مشيرة إلى أنه رفض الاعتزال قبل وفاته، مؤكدة أنه لم يحرم الفن في حياته كلها.
ابنة أحمد راتب: والدي رفض الاعتزال.. وفي آخر أيامه اشتغل بلا حساب
وقالت ابنة أحمد راتب خلال لقائها مع القاهرة 24: التمثيل كان متعة والدي الأولى والأخيرة، وكان بيشتغل بلا حساب واللي بيفرق معاه المتعة اللي بتحصل له من موهبته، وفي أوقات كتيرة مش بنشوفه بسبب التصوير والوقت اللي كان متواجد فيه كان بيعطيه للأسرة فقط، والفنان بيقعد بالأيام مش بينام ولكن الجمهور بيشوف النتيجة فقط.
أما عن فكرة تحريم الفن أوضحت: والدي عمره ما حرم الفن ومؤمن بيه ودا شغفه ولما تعب نصحناه يقعد ويعتزل رفض، وقالي لما الكاميرا بتدور بنسى تعبي وهعتزل لما أموت ولحد ما توفى كان مؤمن بالفن.
وفي سياق آخر، تحدث ابنة أحمد راتب في أول ظهور لها بعد مطالبتها بتكريم والدها والاستجابة له، وذلك من خلال القاهرة 24: طلبت تكريم والدي لأن مسيرته الفنية مش قليلة، وأنا كنت بألقي الضوء على الوضع؛ لأني استغربت إن فات 8 سنين على وفاته ومفيش مهرجان فكر يكرم اسم أحمد راتب، والحقيقة إني متخيلتش إن البوست يعمل كل الصدى ده، ولكن أنا طول الوقت بحاول أُحيي ذكراه وأكد أن الناس منسيتهوش، والاستجابة السريعة دي، بالنسبة لي شيء متوقعتهوش أبدًا إن معالي الوزير يتصل بيا، واللي أسعدني.
