محمد سامي: أهم حاجة تكريم الجمهور.. وبختار الممثل اللي هيفرقع في دوره
أعرب المخرج محمد سامي، عن سعادته بتكريمه في حفل توزيع جوائز دير جيست بدورته الـ 21، بجانب حديثه عن الشروط التي يضعها خلال اختياره لـ النجوم المشاركين في أعماله.
وقال محمد سامي، في لقائه مع القاهرة 24: أهم حاجة تكريم الجمهور، أنا بتعب طول السنة علشان الجمهور، أنا خدت جائزة الجمهور ودي أهم حاجة ممكن تحصل لأي فنان.
وأضاف محمد سامي: أنا بشتغل زي ما كل زملائي بيشتغلوا وكلنا شطار وبنعمل شغلنا كويس وكلنا بنشرف بلدنا وبنشرف صناعتنا وكلنا بنعمل مجهود طول السنة.
وأضاف محمد سامي: أي ممثل بيشتغل معايا بكون مركز إنه يكون في أحسن حالاته سواء كان بيعمل مشهد أو هو بطل العمل، وأنا بحب ده وبعمل مجهود في ده دايمًا.
وعن الشروط التي يضعها خلال اختيار النجوم، فعلق محمد سامي قائلًا: أكيد ليا رؤية معينة في اختيار النجوم، وأنا بختار الممثلين بناء على اللي يليق على الدور، والأنسب للدور اللي هيقدمه أو اللي هيفرقع في الدور اللي هيقدمه.
تكريم محمد سامي في دير جيست
وحصل المخرج محمد سامي، على جائزة أفضل مخرج دراما قصيرة في حفل توزيع جوائز دير جيست 2024، عن مسلسل نعمة الأفوكاتو.
آخر أعمال محمد سامي
ومن ناحية أخرى، يعتبر مسلسل نعمة الأفوكاتو هو آخر أعمال المخرج محمد سامي، والذي عرض في السباق الرمضاني 2024، وحقق نجاحًا كبيرًا، والعمل من بطولة الفنانة مي عمر، أحمد زاهر، أروى جودة، وعدد كبير من النجوم، وإخراج محمد سامي.
