مُكتشف محمد صلاح عن لقائه مع نجم ليفربول بمعسكر المنتخب: تفاجأت إنه فاكر كل ذكرياتي معاه| بث مباشر

كشف مصطفى قرني، المدرب السابق ومكتشف موهبة محمد صلاح، تفاصيل لقائه بـ نجم ليفربول داخل معسكر منتخب مصر، بأحد الفنادق الشهيرة في القاهرة، حيث بلغت مدة المقابلة ساعة كاملة.

وقال مُكتشف محمد صلاح، إن نجم ليفربول قدم له مساعدة كبيرة، حيث مرّ بظروف صحية صعبة بعد وفاة نجله وساءت حالته الصحية، فعرض عليه محمد صلاح أن يسافر إلى إنجلترا من أجل العلاج، مضيفا: حاول يساعدني بأي طريقة، وتواصل معايا عن طريق والده وعرضني على أكبر دكاترة في مصر إلى أن تم شفائي، وكان فيه رغبة مشتركة إني أشوفه وأقعد معاه.

مُكتشف محمد صلاح يكشف كواليس لقائه مع نجم ليفربول بمعسكر المنتخب

وواصل الكابتن مصطفى قرني أنه لم يرَ محمد صلاح منذ 5 سنوات، مضيفا: قولت للدكتور إيهاب الكومي نفسي أشوف محمد صلاح، نقله الخبر ومحمد بعتلي عربية عن طريقه، والدكتور إيهاب رتب كل اللقاء والتقيت به النهاردة.

وأضاف الكابتن مصطفى قرني: فرحت لما شوفت محمد، وسعيد بنجاحه واللي وصله، وفوجئت إنه فاكر كل الذكريات اللي جمعتنا، ومن يومه وهو شخص مؤدب جدا.. كلمني أول حاجة عن صحتي وبعدين سألني عن النادي بتاعه ولو فيه حاجة يقدر يقدمها له.

واستكمل: محمد صلاح كان عنده إصرار وتحدي أول ما بدأ، ودا اللي بيميزه، إنه واثق في نفسه وبيصبر ويتحدى أي حاجة، ولما بدأ كان عمره 12 سنة، كان جسمه ضعيف لكن شوفت فيه موهبة كبيرة فضميته للنادي.