تعدوا على سائقها بالضرب.. فتاة تتعرض لحادث سير بسبب عربية شيبسي وتوجه رسالة للشركة

استغاثت فتاة من سائق يعمل لدى لشركة شيبسي التابعة لـ بيبسيكو، وذلك لتسببه في تعرضها لحادث سير على طريق إسكندرية، لأنه كان يسير بشكل عكسي، ولم يكتف بذلك بل تطاول عليها ووالدتها وتعدى على سائقها بالضرب وتركهم وهرب.

فتاة تتعرض لحادث سير بسبب سائق شيبسي

وروت الفتاة تفاصيل الحادث، في فيديو لها عبر تيك توك: أنا محتاجة حد من شركة شيبسي، لأن اللي حصل فيا ده مش طبيعي، أنا ماشية على الطريق، وعلى دخلة إسكندرية، تفاجأت بعربية تابعة لشيبسي داخلة فيا بالعكس، وأمي قاعدة جنبي، كانوا هيموتها، كانت هتروح مني.

وأضافت: أنا محتاجة حد من شركة شيبسي، عشان العيلين اللي خبطوني وجريوا وضربوا السواق بتاعي، اللى كان قاعد ورا، وكان هيموت برضه.

ونشرت الفتاة مقطعا آخر، تستكمل فيه تفاصيل الحادث، فتقول موجهة حديثها لشركة بيبسيكو: عايزة أسأل سؤالين لشركة بيبسيكو اللي هي شركة عالمية المفروض، هو انتوا بتشغلوا بلطجية؟، مكنتش أعرف إن الشركات العالمية اللي زي دي بتشغل بلطجية، دي جديدة بالنسبة لي.

واستطردت حديثها قائلة: هل انتوا أصلا عندكوا تدابير أمنية لمصر ولا مصر دي برا اللوكيشن، إيه المشكلة لما أشغل بلطجي على عربية بتحمل شيبسي، طالعة الساعة 12 وتلت على الطريق قبل فتحة عبد القادر في مرغم، ويطلع عكس الطريق.

واختتمت حديثها قائلة: أنا عمري في حياتي ما عملت حادثة، اللي حصلي ده مأثر فيا لدرجة كبيرة، هو خبطني ونزل بلطج عليا، وضرب السواق بتاعي عشان كان بيحاول يجيب نمر العربية بتاعته، وهرب في الآخر من غير ما يقلق بقى ما هو تبع شركة إنترناشونال.