لوسي تدافع عن مها أحمد: اللي بتعمله أحسن ما تمد إيدها لحد.. ومش عيب نستخدم التيك توك عشان الفلوس
دافعت الفنانة لوسي عن الفنانة مها أحمد، بعد ظهورها المستمر على تطبيق التيك توك، وتعرضها للانتقادات بسبب تصريحاتها بأنها تعمل على التطبيق مقابل المال، وطلبها المشاركة في أعمال فنية.
لوسي تدافع عن مها أحمد: اللي بتعمله أحسن ما تمد إيدها لحد
قالت لوسي في تصريحات لـ القاهرة 24: مش عيب الناس تستخدم التيك توك علشان الفلوس، وبستغرب الناس اللي بتلوم مها أحمد، هي شايفة إن الشغل مش مكفيها وعندها التزامات وبتسعى لأن دي شغلتنا.
وأضافت لوسي: لكن الفنانين بيظهروا في برامج وبياخدوا أجر زي التيك توك، مش أفضل ما يمدوا أيديهم لحد، والناس اللي بتقول فلوسه حرام، طب ما حرام تعلقي على حد بيطلب رزق، اعمل اللي يرضي ضميرك بشكل محترم، لا تجرح نفسك ولا تجرح حد.
مها أحمد: مش هينفع أتعالج على نفقة الدولة
وكانت الفنانة مها أحمد انفعلت على منتقديها بسبب حصولها على الأموال من التيك توك، مؤكدة أنها لن تترك التيك توك أو أي موقع تحصل منه على أموال.
وقالت مها أحمد في لايف على تيك توك: بسف على السفافين، وبتمزج وبحب أطلعهم على المسرح، وشغلي على التيك توك وعلى أي برنامج مش هسيبه طول ما فيه فلوس.
وأضافت: مش هينفع أتعالج على نفقة الدولة مع إني فنانة، ومن حقي لكن لو ده حصل هتتنمروا وتقولوا بتاخد دوا الغلابة لكن أنا عايزه أعالج نفسي بنفسي، وأعمل علاقات مع الناس الجامدة والداعمين الجامدين بره، يمكن أسافر اشتغل بره ويمكن شيخة تشوفني وتشغلني عندها ليه لأ، أنا عندي طموح اشتغل عند الناس بره مش هنا، علشان أنتم متنمرين، ومش هتقولوا دي ست بمية راجل بتشتغل وتكسب أنا هتفسح وهدلع وهكيدكم وأنا قاعدة وأي مكان فيه شغل وفلوس أنا قاعدة.
أعمال لوسي
يذكر أن لوسي لم تشارك في موسم رمضان الماضي 2024، ويعد مسلسل انحراف، آخر أعمال الدرامية عام 2022 والعمل من بطولة روجينا تأليف مصطفى شهيب وإخراج رؤوف عبدالعزيز، حيث ضم العمل كلا من الفنانة سميحة أيوب، أحمد صفوت، محمد لطفي، أحمد فؤاد سليم وآخرين.
