لقيت جثة مرمية مفيهاش نفس خفت ومشيت.. أقوال أحد الشهود بواقعة اغتصاب فتاة وإنهاء حياتها بدار السلام
كشفت التحقيقات في واقعة عثور أهالي منطقة البساتين بالقاهرة في شهر أغسطس الماضي على فتاه متوفاة وملقاة بجانب الطريق بالمنطقة الصناعية بعد تعرضها للاغتصاب على يد سائق توك توك أثناء توصيله لها.
أقوال أحد الشهود في واقعة اغتصاب فتاة وإنهاء حياتها بدار السلام
حصل القاهرة 24 على أقوال شاهدة والتي جاءت كالآتي: أنا فاتحة فاترينة أكل في أرض الإيرانية بأكل العمال هناك في الورش اللي هناك، والنهاردة الصبح وصلت عند الفاترينة حوالي الساعة 6 الصبح بدأت أجهز الأكل سمعت ناس وهي بتقول إن فيه قتيلة مرمية ناحية ورش الرخام فبقولهم فين قالولي دي جنبك عند كشك الشاي هنا فروحت على هناك لقيت الجثة مرمية ومفيهاش نفس فخفت ومشيت ورجعت على أكل عيشي.
وأضافت: لقيت عم محمد الشحات صاحب الكشك بتاع الشاي داخل من الشارع فقلتله ده فيه جثة مرمية جنب الكشك بتاعك بلاش تشتغل النهاردة فقال أنا هشوف فيه ايه وراح ورجع يجيب ملاية من أي حد في الورش اللي حوالينا وجاب ملاية وغطاها بيها وبعديها بشوية جات الحكومة وفحصت الجثة والمكان وده كل اللي حصل.
