أيمن بهجت قمر: كتبت فيلم ريستارت في أصعب ظروفي النفسية.. وتامر حسني هدية ربنا
كشف السيناريست أيمن بهجت قمر، تفاصيل كتابته فيلم ريستارت بطولة الفنان تامر حسني، والفنانة هنا الزاهد، والذي انتهوا مؤخرًا من تصويره تمهيدًا لعرضه خلال الفترة المقبلة.
أيمن بهجت قمر: كتبت فيلم ريستارت في أصعب ظروفي النفسية
وكتب أيمن بهجت قمر، عبر حسابه الشخصي بموقع فيسبوك، عن فيلم ريستارت: الفيلم ده أنا كتبته في أصعب ظروف نفسية كنت بمر بيها، سافرت 21 يوم لوحدي في يناير عشان انتهي من الدرافت الأول للسيناريو وجالي كورونا هناك وماقلتش لحد.
وتابع أيمن بهجت قمر: بعتبر إن تامر حسني وسارة وفيق في الوقت ده هدية من ربنا ليا عشان يدعموني نفسيًا ويمكن حتى من غير مايعرفوا.. أوقات الشغل بيبقى هو العلاج من الأزمات، وإن شاء لله أنا واثق إن الفيلم ده هيكسر الدنيا.
وأضاف أيمن بهجت قمر: شكرًا لكل عناصر الفيلم، وشكرًا لأصحابي اللي دعموني ووقفوا جنبي في الفترة دي بالمكالمات اللي كانت بتقويني والحمد لله.. خلصنا.
فيلم ريستارت
وسبق وأعلن تامر حسني، انتهاء تصوير فيلم ري ستارت، تأليف أيمن بهجت قمر وإخراج سارة وفيق، حيث نشر فيديو له على حسابه في إنستجرام، وعلق قائلًا: الحمدلله فركش و من زَعَلنا كلنا إننا خلصنا وهنمشي كنا بنغني ونقول زعلت طب معلش متفركش، خلصنا النهارده تصوير فيلم ريستارت والله والله من أحلى أفلام حياتي اللي إستمتعت في تصويرها مع أحلى أصحاب وأجمد أبطال في الدنيا، ربنا يكرمنا يارب ويارب تفرحوا بالفيلم زي ما كلنا فرحانين بيه ريستارت إن شاء الله عيد الفطر القادم.
أبطال فيلم ريستارت
وشارك في بطولة فيلم ريستارت، الفنان تامر حسني، هنا الزاهد، باسم سمرة، ميكا، وعدد كبير من ضيوف الشرف ومنهم شيماء سيف، ومن تأليف أيمن بهجت قمر وإخراج سارة وفيق.
