كان بيوزع مكافآت الماتشات على المحتاجين.. لاعب المصري السابق يروي موقفا إنسانيا للراحل إيهاب جلال
روى أحمد ياسر لاعب فريق المصري البورسعيدي الأسبق موقفا إنسانيًا للراحل إيهاب جلال مدرب الإسماعيلي والذي وافته المنية مساء أمس الأربعاء، إثر تعرضه لجلطة بالمخ.
وكتب ياسر على صفحته الشخصية عبر موقع التواصل الاجتماعي فيس بوك: كابتن إيهاب جلال واحنا في المصري قدام عيني، كان بياخد مكافآت الماتشات ويوزعها على المحتاجين اللي واقفين قدام باب النادي، غير اللي كان بيوصل الناس في بيوتها من غير ما تيجي، كان يسأل على الحالات اللي محتاجه ويبعتلها ويفك كربها، كان يروح دار المسنين ويروح دار الأيتام من نفسه ومن غير تصوير ولا أي حاجة، عمره ما غلط في لاعب أو أهانه، بيعامل الناس كلها باحترام وأخلاق إنسان بمعنى عمره ما تجاوز في حق حد رغم الظلم اللي وقع عليه، ربنا يجعله في ميزان حسناتك ويجعل قبرك روضة من رياض الجنة، كنت ملاكا على الأرض يا كابتن إيهاب، ربنا يرحمك يا حبيبي.
وفي سياق متصل، توفي إيهاب جلال، المدير الفني لنادي الإسماعيلي، إثر تعرضه لجلطة في المخ، مما سبب صدمة كبيرة لعشاق كرة القدم في مصر، واعتبر جلال من أبرز الشخصيات الرياضية، إذ درب العديد من الفرق بنجاح وحقق إنجازات ملحوظة في مسيرته التدريبية.
