فطار بـ 200 جنيه│ فول العم زغلول يثير الجدل.. ومتابعون: المكان سيئ وسعره غالي
تصدر اسم فول العم زغلول تريند منصات التواصل الاجتماعي، بعد أن شارك مستخدموها قائمة الحساب لوجبة إفطار فول وطعمية، بلغ سعرها 200 جنيه، مما أثار جدلًا واسعًا.
فول العم زغلول يتصدر تريند فيس بوك ويثير الجدل بين المتابعين
وتم تداول صورة لحساب وجبة إفطار من المطعم الواقع في منطقة الأزاريطة بالإسكندرية على فيس بوك، بلغ سعرها 200 جنيه.
وشملت الوجبة من مطعم فول العم زغلول، طبق فول وقطعتي طعمية وطبق بطاطس وسلطات متنوعة بـ 150 جنيها، إلى جانب طبق بيض بالبسطرمة بـ 50 جنيها، لتنتهي قائمة حساب هذا الفرد بـ 200 جنيه.
والتقط صاحب هذه القائمة صورة لها وشاركها على فيس بوك، لتثير جدلًا واسعًا بين المتابعين، ويتصدر اسم فول عم زغلول تريند مواقع التواصل، ليواجه العديد من التعليقات بين المؤيد والمُعارض.
يعني إيه أفطر فول بـ 200 جنيه؟.. تعليقات المتابعين
وكتب أحد مستخدمي فيسبوك: من كتر الإعلانات اللي بتتعمل عليه خليته يصدق إن مفيش زيه، وإنه دخل التريند بالسرفيس ده بس فعلا الأسعار مبالغ فيها، يعني إيه أفطر فول بـ 200، هو فاتح في الساحل واللا حاجة.
وآخر تابع: سعره غالي جدا وغير كده أخوه واقف أول المحل ياخدك يتفق معاك بسعر، والطلب جوا بسعر أرخص، يعني نظام مقاولة وعلى إيه يعني الغلاء ده.
وذكر ثالث: طبعا غالى جدا العيب مش عليه على الناس اللي مش تعبانه فى الفلوس وبعدين ده تريند حاجة خايبة.
وقال آخر: ما هو خلاص شبع وعمل صيت يزود براحته هي جات عليه يعني.
بين المؤيد والمعارض: التكلفة غالية.. ده استغلال
ولكن مُتابعة أخرى كتبت: طالعين تشتموا فى الراجل اللى مش عايز يتعامل معه بلاش، بدل ما احنا بناخد ذنوب وخلاص، اكيد مش بيضرب حد على ايده، اكيد اللى بياكل عنده عارف ان اكله يستاهل والا مكنش اكل ودفع.
وقال متابع آخر: أكل ممتاز، جودة فوق الممتاز ومعاملة محترمة، المهندس محمد زغلول معاملته كويسة وبشوش.
وضمن التعليقات المؤيدة قال أحد الأشخاص: مُتحمل على السرفيس.. عارفين يعنى إيه مصاريف مياه وكهرباء وغاز وأجهزة غالية جدا وايجار محل عالي، ويوميات ناس شغالة وخامات غالية الناس بتبيع غالي عشان التكلفة فعلا غالية.
