عريس الدقهلية صاحب واقعة الخطف خلال التحقيقات: عملت مقلب في مراتي وكان معايا مسدس| انفراد
ضجت مواقع التواصل الاجتماعي، خلال الأيام الماضية، بعد تداول فيديو يظهر فيه عريس الدقهلية خلال حفل زفافه، حيث بدا وكأنه يتعرض للاختطاف من قبل مجموعة من الأشخاص، كما أن الفيديو الذي انتشر بسرعة كبيرة، أثار حالة من الصدمة والقلق بين مستخدمو مواقع التواصل وأهالي محافظة الدقهلية، خاصة بعد تداول شائعات حول مصير العريس المختفي، وتبين فيما بعد أنه يوتيوبر صاحب قناة تدعى جمهورية أحمد وأمل، والفيديو حقق غرض صاحبه ولكن بشكل سلبي.
قضية خطف عريس الدقهلية
وبعد ساعات من انتشار الفيديو، ظهر عريس الدقهلية والذي يدعى أحمد في مقطع جديد يوضح حقيقة ما حدث في هذا المقطع، ودخل أحمد على والده الجراج ليخبره أن حادث الاختطاف كان عبارة عن مقلب لقناته، ما أثار غضب والده الشديد، فقال له: مقلب إيه وإحنا في المراكز طول الليل وأمك في المستشفى، روح شوفلك شغلانة، مش هتدخل البيت أصلا.
وألقت الأجهزة الأمنية القبض على عريس الدقهلية وعرضته على جهات التحقيق.
حصل القاهرة 24 على تحقيقات عريس الدقهلية المتهم بالتمثيل أمام أسرته في يوم زفافه، بأنه تعرض للخطف من قبل أصدقائه المتهمين بالاشتراك معه في هذه الواقعة.
وقال عريس الدقهلية المتهم في تحقيقات النيابة: اللي حصل إن أنا كان فرحي يوم الخميس اللي فات وكنت عايز أعمل حاجة وأصورها تبقى تريند وتزود نسب المشاهدات على الصفحة بتاعتي علشان الأرباح تزيد، وبعد كده في آخر الفرح اتفقت أنا وأحمد،ا ومحمد،س إنهما الاثنين بعد ما أخرج من القاعة يجوا بعربية ويخطفوني جواها ونعمل مقلب في الناس وبعد كدة ننزله على اليوتيوب.
وأضاف: وفعلا هما عملوا اللي أنا قلتلهم عليه وجم بعربية وخطفوني وأنا روحت ونمت، ولما صحيت لقيت المقطع على اليوتيوب ولقيت أهلي منزلين مقطع إنهم بيدوروا عليا روحت ناشر مقطع الفيديو الثاني اللي كنت مصوره وبشرح فيه إن أنا هعمل تريند وهعمل مقلب في الفرح بتاعي.
وواصل: أنا معايا السلاح وبشيله معايا علشان بسافر ويبقى معايا حمايا ومعرفش إن في ترخيص للمسدس الصوت، وأنا عندي صفحة على اليوتيوب اسمها جمهورية أحمد وأمل وبعمل فيها مقالب، وعملتها من حوالي ثلاث سنوات، عشان أكسب فلوس منها عن طريق الإعلانات والمشاهدات.
واختتم المتهم عريس الدقهلية حديثه وقال: أنا صورت المقطع دا علشان بنهزر والمتابعين تزيد وأرباح القناة تزيد، وعملت الموضوع كله على سبيل الهزار ومعرفش إنه هيوصل لكل ده.
