مصطفى كامل: رفع قيمة المعاشات لأعضاء نقابة الموسيقيين مرة أخرى
تحدث نقيب المهن الموسيقية الفنان مصطفى كامل، في المؤتمر الصحفي المقام حاليًا، بمقر نقابة المهن الموسيقية، عن دور النقابة والتطورات الكبيرة التي يحرص على تقديمها منذ توليه منصب نقابة الموسيقيين في أكتوبر عام 2022.
مصطفى كامل: رفع قيمة المعاشات لأعضاء نقابة الموسيقيين مرة أخرى
وكشف مصطفى كامل أنه سيرفع المعاشات لمواكبة الغلاء، قائلًا: من ساعة ما دخلت النقابة قلت اللي هيشيل الكارانيه له كل الاحترام، وشيلنا كمية فساد وربنا يجازينا في صحتنا بقدر ما عملناه في النقابة.
وأضاف مصطفى كامل: نقابة المهن الموسيقية من 4 أيام كان عيد ميلادها الـ 80 وهنرفع المعاش تاني علشان نواكب ظروف الحياة والغلاء.
وتابع مصطفى كامل: من بعد ما دخلت النقابة خدت قرار إن أقلل من المداخلات التليفزيونية لأن في ناس بتكون عايزاك طول النهار تتكلم عن اللي اتجوزت وخلفت، وأنا كان همي أننا نصلح حال المؤسسة اللي تستاهل أم كلثوم وكانت أهدافها واضحة.
واستكمل نقيب الموسيقيين: بحمد ربنا إني اشتغلت لوردة الجزائرية وتربيت في حضن الناس الكبيرة وعرفت يعني ايه نقابة، والنقابة ليها مبادئ وميزانية، والزمن الأول كان غير الزمن لدرجة أن ممكن نقابة المهن الموسيقية تتحمل أعباء معاشية، ولغاية النهاردة النقابة بتعول هم أكثر من ألف إنسان مكنش موسيقى ولا مغني.
