بعد نشر القاهرة 24 قصتها.. أم اليتامى باكية عقب مصرع ابنتيها بحادث قطاري الزقازيق: بربي 9 يتامى وراضية بقضاء ربنا| بث مباشر

انهارت والدة الشقيقتين ضحايا حادث  قطاري الزقازيق، بعدما فقدت ابنتيها جراء الحادث، وتتحمل في الوقت الحالي تربية أبنائهم، وذلك بعد نشر القاهرة 24 قصتها التي لقيت صدى واسعا.

وقالت أم الضحايا: أنا مريضة سكر وضغط، وزوجي ميت واتنين ولادي شباب متوفين وسابولي عيالهم، وأنا اللي بكافح علشان أربيهم.

وتابعت أم الضحايا أنه ليس لديها أي مصدر رزق غير 550 جنيها تحصل عليها من معاش تكافل وكرامة، مضيفة: بربي 9 يتامى أولاد ولادي المتوفين، كلهم يتامى من الأم ومن الأب، وبكافح علشانهم.

وأضافت والدة الضحايا: كل اللي أنا عايزاه إنكم تساعدوا ولاد بنتي المتوفين في الحادث؛ لإن أبوهم ساكن في شقة بالإيجار ومش هيقدر على مصاريفهم لإن كلهم في التعليم.

وأضافت والدة الضحايا: كل سنة في المولد النبوي الشريف متعودين ييجوا ويقعدوا معايا يوم ويمشوا، وفي اليوم دا جم في قطر الساعة 3 واتحايلت عليهم علشان يباتوا لكنهم رفضوا وأصروا إنهم يروحوا في قطر 6.. كانوا رايحين لقدرهم.. أنا راضية الحمد لله.

واستكملت والدة الضحايا: أنا بطالب تشوفوا شقة لليتامى ولاد بنتي المتوفية؛ لإن أبوهم شغال على باب الله بيبيع شاي في القطر، وعنده 5 ولاد كلهم في المدارس.