مصطفى كامل لـ حمو بيكا: لو استخفيت دمك تاني هتقعد في البيت
أعلن الفنان مصطفى كامل، نقيب المهن الموسيقية، عودة مؤدي المهرجانات حمو بيكا لـ الغناء من جديد، وذلك بعد أزمته الأخيرة مع النقابة، كما أشار إلى أنه إذا استخدم كلمات لا تليق بالذوق العام، فإنه سيتم إيقافه على الفور ومنعه من الغناء.
ووجه مصطفى كامل رسالة لـ حمو بيكا، خلال المؤتمر الصحفي الذي عقد منذ قليل، قال فيها: لو استخفيت دمك تاني علشان تعمل شو أو تريند هتقعد في البيت، أنا بحذرك اوعى تعمل كده معايا أنا.
وفي نفس المؤتمر، أكد نقيب الموسيقيين مصطفى كامل أنه أصر على تغيير مطربي حفلات الساحل الشمالي، بهدف زيادة العائد المادي، فقال الفنان في المؤتمر الصحفي، الذي أقيم منذ قليل، بـ مقر نقابة المهن الموسيقية: السنة اللي فاتت لما أصريت على تغيير الناس اللي بتروح الساحل قولتهم لو الساحل مجبش للنقابة 20 مليون جنيه هستقيل.
وأضاف مصطفى كامل: السنة دي جاب 20 مليون و800 ألف جنيه لما غيرت المطربين، وشايف إن اللي مش قد إنه يدير أمور الناس يسيب الكرسي لغيره.
