شقيقة عريس الدقهلية بالتحقيقات: لقيت عربية جت جنبي وحد شد أخويا جواها | خاص
يواصل القاهرة 24، نشر تحقيقات المتهمين في القضية المعروفة إعلاميا بعريس الدقهلية، حيث مثل العريس المتهم أمام أسرته بأنه تم اختطافه، ونشر الڤيديو عبر السوشيال ميديا، مما أثار الذعر والقلق في نفوس المواطنين، وتبين بعد ذلك أنه يوتيوبر ونشر الڤيديو ليحصل على ربح بهذه الطريقة.
شقيقة عريس الدقهلية بالتحقيقات
وقالت شقيقة عريس الدقهلية المتهم بالتحقيقات: اللى حصل إن أنا كنت في فرح أحمد. ج أخويا في منية النصر، ولما الفرح خلص وأحمد خارج هو ومراته أمل وبيركبها العربية، لقيت عربية جت جنبه وحد شده جوه العربية، وطلعت تجرى.
وأضافت: بعدها روحنا على البيت بتاع أحمد أخويا ومراته عملت فيديو إن أحمد جوزها اتخطف، وبعدها بحوالي ساعتين أحمد كلم مراته أمل وقال لها إنه مش مخطوف وإن اللي حصل هزار وكان مقلب وعمله فينا.
وأردفت: أنا مكنتش أعرف أي حاجة عن المقلب، وأحمد أخويا صوره من باب الهزار والضحك، وهو له صفحة على اليوتيوب اسمها جمهورية أحمد وأمل، وبيعمل فيها مقالب عشان يزود المشاهدات والمتابعين.
