هل يكرر أحمد العوضي شخصية الصعيدي الشعبي في فهد البطل؟.. الفنان يوضح
رد الفنان أحمد العوضي، على جدل تكراره شخصية الصعيدي الشعبي، في مسلسل فهد البطل في رمضان 2025، والتي جسدها من قبل في مسلسل ضرب نار في موسم رمضان 2023 وحقق وقتها نجاحًا كبيرًا.
وقال أحمد العوضي، في لقائه مع برنامج ET بالعربي: الحمد لله فهد البطل مسلسلي في رمضان 2025، تأليف محمود حمدان وإخراج محمد عبد السلام، وأنا بوعد اخواتي أنه هيكون أقوى من حق عرب وأنا بوفي بوعدي، وأنا ببقى حريص أني أعمل نجاح أكبر من النجاح اللي حققته.
وتابع: فهد البطل قصته مختلفة عن حق عرب، وفهد البطل ميكس شعبي وصعيدي، هتلاقي واحد دلوقتي بيقول العوضي مبيعملش غير شعبي وصعيدي ومكسر الدنيا، والمسلسل ده كمان هيكسر الدنيا علشان ربنا سبحانه وتعالى، ودعم اخواتي ليا الواحد ربنا بيصرف له، فهد البطل قصة وحالة مختلفة، إن شاء الله يعجب اخواتي ويبقى أقوى من حق عرب.
أما عن تغيير اسم العمل من الملك لـ فهد البطل، فعلق أحمد العوضي: الاسم اتغير علشان حقوق الملكية الفكرة، وأنا مش فارق معايا والناس ارتبطت بـ اسم فهد البطل.
مسلسل فهد البطل
ويشارك في بطولة مسلسل فهد البطل، كل من: الفنان أحمد العوضي، أحمد عبد العزيز، ميرنا نور الدين، نسرين أمين، صفاء الطوخي، وتواصل الشركة المنتجة ترشيح والتعاقد مع باقي أبطال العمل من أجل الإعلان عن بداية التصوير المقرر له في أكتوبر المقبل.
