أحمد فتحي: رامز جلال مش بيجيبني في المقالب الخطيرة.. ونص شعبية هشام ماجد بسببي
تحدث الفنان أحمد فتحي عن موقفه من مقالب رامز جلال، قائلًا إن الأجيال اتربت على برامج مقالب رامز جلال، والناس بتكون عايزة تشوف الجانب الإنساني للفنانين في برامج المقالب، ولما بيكون المقلب خطير رامز مش بيجيبني.
وأضاف أحمد فتحي خلال لقائه مع برنامج الراديو بيضحك، عن مقالب رامز جلال: هو مقاليش ده لكن أنا اكتشفته، وفي سنة من السنوات كان المقلب خطير وفيه حرايق كتير فا رجع في كلامه ومجابنيش عشان عارف إني مش هستحمل.
أحمد فتحي: نص شعبية هشام ماجد بسببي
وواصل أحمد فتحي متحدثا عن أعماله: أكتر دور ليا معلق مع الناس هو دوري في مسلسل اللعبة بأجزائه، وهشام ماجد نص شعبيته واخدها مني بسبب البهدلة اللي بيعملها فيا في المسلسل ده، ونجاح اللعبة تعدى كل النجاحات واتفاجئت إن له جمهور في فرنسا.
مسلسل اللعبة
يتكون مسلسل اللعبة من 4 أجزاء، وحقق العمل نجاحا كبيرا خلال السنوات الماضية، ويشارك في بطولته كل من الفنان شيكو، هشام ماجد، ميرنا جميل، مي كساب، عارفة عبد الرسول، أحمد فتحي، وآخرون، والعمل من إخراج معتز التوني.
