قالنا أنتم مش عارفين أنا ابن مين؟.. والدة الطفل المعتدى عليه من نجل محمد رمضان تكشف تفاصيل الواقعة| فيديو
كشفت والدة الطفل المعتدى عليه من نجل محمد رمضان، بعد تحريرها بلاغا بقسم أول أكتوبر اتهمت فيه الفنان محمد رمضان ونجله، بالاعتداء على نجلها داخل نادي نيو جيزة، تفاصيل الواقعة قائلة: اللي حصل إن الأودلا كانوا بيتزحلقوا في البارك وابني كان طالع على الزحليقة بالعكس، فـ ابن محمد رمضان كان بيتزحلق فخبطوا في بعض فالولد بدأ يزق ابني واتزحلق وصديق ابني ابتدى يبعدهم عن بعض.
وأضافت والدة الطفل في رسالة صوتية على جروب ملاك كمبوند نيو جيزة: الولد ضرب عمر ابني بالبوكس في كتفه وكل دا محدش عارف دا مين وبعدين هو ضرب عمر بالبوكس في كتفه ومشي وخلاص وبعدين جرى وراهم وفتح فيديو كول مع باباه اللي هو مش عارفين هو مين وبدأ يوريلوا الأولاد وهي بتجري وصورهم، وقفل على ابني الحمام ومنعه من الخروج.
وأكملت والدة الطفل: صديق ابني طلعه من الحمام لقوا محمد رمضان جه، وتقريبا هو قال لابنه أحبسهم لحد ما أجي، ومحمد رمضان مسك عمر انبي ويحيى صاحبه من كتافهم هما الاثنين، وبعدها الأولاد طلبوا منه أنه يسبهم فكرر الحركة دي 3 مرات وسأل ابنه مين فيهم اللي معاه المشكلة، قاله عمر، وفجأة لقينا القلم نزل على وش ابني وشد ابنه ووقف بين ابنه وابني عشان ميضربهوش بعد ما حصل كدا اخد ابنه ومشي والكل كان واقف يتفرج.
وتابعت: الناس في النادي واقفين ومدرب ابني فريد كان واقف وبعدها خلى يحيى صديق ابني يوقف محمد رمضان واتخانقوا معاه وفريد جاب عمر ابني وحضنه وباسه وقاله متزعلش وأنا مستغربه ليه محمد رمضان يمسكهم والنادي حتى الآن معملش حاجة وأنا مش هسيب حق ابني.
وكانت إحدى السيدات حررت بلاغا في قسم أول أكتوبر بعد عصر الثلاثاء الماضي، تتهم فيه الفنان محمد رمضان ونجله، بالاعتداء على نجلها داخل نادي نيو جيزة، خاصة وإنها تسكن بجواره.
الفنان محمد رمضان يعتدي على جاره
وكشفت السيدة في بلاغها أن نجلها والذي يدعى عمر، طالب يدرس بالصف السادس الابتدائي في مدرسة جرين لاند الدولية بالشيخ زايد، تعرض للضرب ما نتج عنه إصابته بكدمات واحمرار بالخد الأيسر، موضحة أن ذلك جاء خلال لعب نجلها داخل نادي نيو جيزة.
وأضافت أنه حدثت مشادة بين نجلها وبين نجل محمد رمضان، موضحة أنها تطورت للضرب؛ واتهمت الفنان محمد رمضان وابنه بالتعدي على نجلها، وإحداث إصابته.
وجرى تحرير محضر بالواقعة والعرض على جهات التحقيق لاتخاذ الإجراءات القانونية
