فتاة تستغيث من نقص الأدوية: بعلق محاليل عشان الدواء مش موجود
تحدثت صانعة المحتوى أيه الطير عن معاناتها بسبب ندرة الأدوية في الصيدليات، وهذا سبب مشاكل صحية كثيرة لها بسبب حاجتها لنوع معين من الأدوية.
فتاة تستغيث من نقص أدوية الضغط
وقالت في فيديو عبر حسابها بـ تيك توك: أنا نفسي بس الفيديو ده يوصل لأي دكتور أو صيدلية، أو أي حد مش محتاج الدواء عشان أنا محتاجاه، بقالي فترة بلف على دواء الضغط بأنواعه ومش بلاقيه، إزاي مش موجود.
وأضافت الفتاة: يعني إيه كل الصيادلة بيقولولي أشوفه في السوق السوداء، أنا كل 3 أيام بعلق محاليل عشان ضغطي عالي، أي حد عنده صيدلية أو عنده الدواء ومش محتاجه ياريت يبعتهولي حتى لو شريط.
وأكملت: يعني إيه الشركة مش راضية تنزل الدواء، وهو لا مستورد ولا مقاطعة ولا أي حاجة، وحتى باقي الأدوية التانية مش موجودة، ياريت لو حد عنده صيدلية أو مش محتاج الدواء يبعتلي حتى لو شريط لأني تعبت.
هيئة الدواء المصرية: نضخ كميات من أدوية الأمراض المزمنة بمعدلات أكبر
وكان مساعد رئيس هيئة الدواء المصرية، أكد إن الحكومة لديها اهتمام شديد بملف الدواء، وهناك متابعة بشكل مستمر للخامات ودخولها والتصنيع وعمليات ضخ الكميات المطلوبة من الأدوية ومعدلات استهلاكها الطبيعية، لافتا إلى استحداث عدد من التطبيقات التي تتيح للمريض والمواطن التعرف على كل المثائل والبدائل المختلفة للمستحضرات المختلفة.
