إياد نصار عن أزمة فيلم أصحاب ولا أعز: نتفليكس منعونا نتكلم وحسيت إنهم مستفيدين.. وإحنا مش شياطين
أعرب الفنان إياد نصار، عن استيائه بسبب منعه عن الحديث وقت أزمة فيلم أصحاب ولا أعز، الذي أثار جدلا كبيرا وقت عرضه عبر منصة نتفليكس.
وقال إياد نصار، خلال حواره في برنامج إنرجي بلس، المذاع عبر محطة راديو إنرجي: مش عارف ليه منصة نتفليكس طلبوا مننا منتكلمش وده ضيع فرصة كبيرة إننا نتكلم وده مكنش عاجبني، وكانوا كلهم مُصرين على أننا منتكلمش وحسيت إنهم مستفيدين وحابين الكلام الإيجابي والسلبي ومستفيدين منه، فكان لازم نطلع ونتكلم إن إحنا مش أشرار، إحنا ولاد المجتمع مش شياطين وجايين نهاجم المجتمع، إحنا ولاد المجتمع وبنصيب وبنخفق وبنحس إن الموضوع ده عايزين نتكلم فيه أو نبعد عنه.
أما عن كيفية تعامله مع التعليقات السلبية، فعلق إياد نصار: أنا لما بشوف إن كل التعليقات منسوخة مبردش، ولكن لما بحس إن دي آراء وفيه حاجة عفوية ممكن أرد، وفي العموم أنا مبردش ولا بقرأ التعليقات، وده أحسن لصحتي النفسية، أنا عارف مين حاببني ومين بيتابعني، الفنان بقى قريب من الجمهور ومبقاش حاجة غامضة بالنسبه له.
أزمة فيلم أصحاب ولا أعز
ومن ناحية أخرى، عُرض فيلم أصحاب ولا أعز في يناير 2022، وتصدر العمل تريند مواقع التواصل الاجتماعي، وانقسم الجمهور إلى مؤيدين له بدافع حرية الفن، ومهاجمين ومعارضين للعمل الذين انتقدوا انفتاح الأفكار التي تناولها في أحداثه، مثل قضية الشذوذ الجنسي، ورآها الكثير من الجمهور غير مألوفة على مجتمعنا وغير لائقة بعاداتنا وتقاليدنا، وأيضًا احتواء المشهد على بعض المشاهد الجريئة نوعًا ما أثارت غضب العديد من المشاهدين.
