خد عين وراح.. بكاء وتأثر فيفي عبده على وفاة نجل المطرب إسماعيل الليثي: صدمة دمرتني
نعت الفنانة فيفي عبده، الطفل رضا الشهير بـ ضاضا الليثي، نجل المطرب الشعبي إسماعيل الليثي، الذي رحل عن عالمنا أول أمس بعد سقوطه من الطابق العاشر من شرفة منزل جدته.
ودخلت فيفي عبده، في حالة من التأثر والبكاء، أثناء حديثها عن الطفل رضا الليثي، حيث قالت في مقطع فيديو نشرته عبر حسابها بموقع تيك توك، ظهرت خلاله بالحجاب، وقالت: يا إسماعيل ويا شيماء، أنا عارفة أن قلبكم مولع نار، البقاء لله في ابنكم خد عين يا حبيبي وراح مش بيقولوا بياخدوا العيون ويروحوا القبور، ربنا معاكم وأكيد كل اللي بيشوفكم بيقول ربنا معاكم، في الجنة ونعيمها إن شاء الله وكل الناس بتدعي له، أنا شخصيًا كنت بحبه جدًا، مش عارفة حاسة أن الصدمة دمرتنا كلنا بصراحة ولكن ميعظمش على اللي خلقه.
وتابعت فيفي عبده: شد حيلك يا إسماعيل أنت وشيماء، أنا عارفة أن في قلبكم نار دلوقتي، ربنا يكون في عونكم وكل الناس اللي بتحبه، الله يرحمك يا ضاضا يا حبيبي، بإذنك يا رب في الجنة ونعيمها.
تفاصيل وفاة نجل إسماعيل الليثي
وفي وقت سابق، كشف المطرب الشعبي إسماعيل الليثي، سبب وفاة نجله الطفل رضا الشهير بـ ضاضا الليثي، خلال تصريحاته لـ القاهرة 24، قائلًا: رضا كان بيجي هنا في إمبابة يلعب خميس وجمعة، وصحي بدري واخواته وكله نايم، وكان بيعلب وتوازنه اختل ووقع وتوفى، وأنا كنت موجود في بيتي وهو مرضيش يروح معايا وكان بيحب يقعد عند أمي، كان معايا لغاية 7 الصبح.
