أحمد سعد بعد سرقة مجوهراته: فلوسي وألماظاتي راحت.. متبصوليش تاني إحنا شقيانين
كشف الفنان أحمد سعد تفاصيل سرقته في مطار ميلانو بإيطاليا خلال حضوره فرح نجل الإعلامية بسمة وهبة، مشيرًا إلى أن حقيبته كان بها عدة ساعات عزيزة عليه، وبها ألماس وهدايا ثمينة، هذا بجانب العقد الذي ارتداه في الحفل ولفت به الأنظار.
وتحدث أحمد سعد عن المقتنيات التي فقدها، خلال لقائه في برنامج ET بالعربي: الخساير ولا حاجة من النعم اللي ربنا إدهالي، منها أول ساعة جبتها في حياتي، ساعاتي وألماظي اتسرقوا، وشنطتي كلها راحت في مطار ميلانو.
سرقة أحمد سعد
وتابع أحمد سعد: زعلت على قيمة الحاجة المادية والمعنوية، فلوسي اللي فاتت راحت، الناس متحبنيش تاني اللي فات ضاع، أنا لسة ببتدي من جديد، الناس قعدت تقول أحمد لابس الشبكة أهي راحت الشبكة مش هنبص لبعض، هنبص لبعض ليه ما إحنا شقيانين.
وفي سياق آخر، تحدث أحمد سعد عن عودته لـ علياء بسيوني وتصدره التريند: أنا عايش عشان أنكش الناس أكل عيشي من نكش الناس، مهما كان الناس بينهم خلاف ليه منديش بعض فرصة، ونبص لبعض بشكل مختلف، إحنا في ما بينا عيال، حتى العيال تلاقينا عملنا كل اللي بإيدينا، وعلياء الفترة اللي فاتت متغيرة معايا جدًا واكتشفت إن الحياة بيها أحسن، وهنعمل فرحنا والولاد يبقوا لابسين لبس الفرح معانا.
