ادعاء بالخطف.. القصة الكاملة لـ فتاة تتهم سائق إندرايف بالتحرش والضرب
ادعت فتاة تدعى أميرة جمال، تبلغ من العمر 22 سنة، أنها تعرضت لـ الخطف والضرب والتحرش والاعتداء من قبل سائق إندرايف، وفوجئت بأن الساق ألغى الرحلة وحوّل المسار، حيث كانت تتجه من مدينة نصر إلى المعادي، ولكنها فوجئت بأنه اتجه إلى حدائق القبة، وبدأ يسحلها ويضربها.
فتاة تدّعي خطف سائق لها
وقالت أميرة جمال، إنها عندما طلبت الرحلة من خلال أبلكيشن أندرايف، بدأ الشاب السائق يتحدث معها، وادّعى معرفته بها، وأنه صديق لها من الجامعة، ولكنها لم تعرفه بشكل شخصي، ثم أجبرها على ركوب السكوتر معه، وسرق شنطتها وكسر الموبايل الخاص بها، وخطفها إلى شقته بحدائق القبة، وتعدى عليها بالضرب المبرح وتحرش بها، وحاول التعدي عليها جنسيًا، حسب ادعاءاتها.
وأضافت أميرة جمال، أنا شغالة مضيفة طيران وهو قالي إنه كان معايا في الجامعة وإنه كان عايز يكلمني من زمان، ولكن فوجئت إنه خطفني وحبسني في شقته من الساعة 7 لـ 10 الصبح، ولما تعبت نزلني الصيدلية اللي تحت بيته، وأول ما دخلت الصيدلية قولتهم دا خطفني إطلبوا الشرطة، وعملت له إمبارح محضر تحرش وعدم تعرض، ولكن هو لسه بيهددني، وفق أقوالها.
سائق إندرايف يرد على ادعاءت فتاة بخطفه لها
ورد الشاب حسين هشام، سائق عبر تطبيق إندرايف، في تصريحات خاصة لـ القاهرة 24، على اتهامات الفتاة له بالتحرش بها خلال توصيلها إلى مدينة نصر، حيث قال أنا كنت شغال في أبلكيشن التوصيل، وجالي الطلب الساعة واحدة و45 دقيقة، المشوار كان لمدينة نصر أوبر اسكوتر، وفي أثناء الرحلة هي اتكلمت معايا في أمور خارجة عن الرحلة، وطلبت مني تسجيل رقمها الخاص وقالت لما تحتاج حاجة كلمني.
وأضاف الشاب حسين هشام، سائق إندرايف، الفتاة تحدثت عن نفسها وسألتني أنت خريج إيه؟ قولتلها معهد سنتين، ووصلتها لمكان الرحلة في مدينة نصر، والساعة تلاتة الفجر كلمتني وقالتلي تعالى خدني عايزة أروح سقارة، قولتلها أنا في التمرين صعب أتحرك دلوقتي، ولما ألحّت عليا روحت لها وهزرنا مع بعض وعندي شات بالكلام دا، وفي الطريق طلبت منها نروح على حدائق القبة نقعد مع بعض، ووافقت على كده وفعلا روحنا وقعدنا في شقة لوحدينا، والصبح لما نزلت كلمت واحد صديقها وبعتتله اللوكيشن على حدائق القبة علشان ييجي ياخدها.
واختتم حسين هشام، فوجئت بمنشوراتها على السوشيال ميديا، وبالبلاغ اللي عملته ضدي، وروحت لقسم الشرطة واتهمتها أنا كمان بالتشهير، ولما المباحث قالوا هتتعرضوا على النيابة بكره الصبح هي قالت خلاص هنتنازل، وعملنا محضر بعدم التعرض، والنهاردة فوجئت إنها بتنزل صوري ومنشورات تاني على الفيس بوك.
