زوجة إسماعيل الليثي عن نجلها المتوفى: كان بيطلع فلوس لله.. والناس جات له العزاء مش علشان أبوه
تحدثت زوجة المطرب الشعبي إسماعيل الليثي، عن نجلها الراحل رضا إسماعيل، والذي توفي منذ أيام قليلة، بعد سقوطه من شرفة شقتهم بالطابق العاشر.
وقالت زوجة إسماعيل الليثي خلال لقائها مع القاهرة 24: العالم العربي كله كان بيحب ضاضا والناس جت العزا والجنازة علشانه، مش عشان إسماعيل أبوه ولا علشاني، كان بيطلع لله فلوس كتير، وكان ياخد من شنطتي الفلوس ويقولي الناس محتاجة وربنا هيرزقك يا ماما.
وواصلت زوجة إسماعيل الليثي: كنت جهزت له لبس المدرسة وأبوه دفعله المصاريف، نمنا صحينا على الخبر ومكناش مصدقين، اللي حصل إن جدته راحت تجيبله أكل ورجعت ملقتوش، لقيته وقع من البلكونة وميتعزش على اللي خلقه، وبقول للناس كفاية إشاعات.
وفاة نجل إسماعيل الليثي
وتوفي نجل إسماعيل الليثي منذ أيام، وعلم القاهرة 24 من مصادره أن رضا إسماعيل الليثي، توفي إثر سقوطه من الطابق العاشر، حيث أعلن مطرب المهرجانات حمو بيكا، من خلال صفحته الخاصة فيس بوك، قائلا: رضا ابن النجم إسماعيل الليثي، في ذمة الله، ربنا يرحمك ويصبر أهلك.
أعمال إسماعيل الليثي
وجدير بالذكر أن إسماعيل الليثي قدم الأغنية الدعائية الثانية لمسلسل جعفر العمدة، كانت تحت عنوان أنا كبيرها، وتم طرحها عبر حساب محمد رمضان الرسمي على إنستجرام، معلقا: دلوقتي أنا كبيرها الأغنية الدعائية الثانية لمسلسل جعفر العمدة غناء إسماعيل الليثي.. شكرًا يا سمعه على هديتك الحلوة.
