لما بتكون الدنيا رايقة بلمس جسمها.. الأمن يفحص فيديوهات لـ أطباء يتفاخرون بتحرشهم بالمرضى
تفحص أجهزة الأمن، فيديو متداول على منصات مواقع التواصل الاجتماعي، لمجموعة من الأطباء الشباب، يتفاخرون بتحرشهم ببعض مرضاهم من السيدات أثناء الكشف عليهن.
وأكد مصدر لـ القاهرة 24، أنه جاري فحص الفيديو المتداول، لكشف الوقوف على ملابساته وتفاصيله، وما إذا كان هناك أي بلاغات تلقتها الأجهزة الأمنية في هذا الشأن.
أشخاص يتفاخرون بتحرشهم ببعض السيدات
ونشر بعض الشباب محادثة جماعية بين هؤلاء الأطباء على منصة "إكس" يتفاخرون فيها بتصرفاتهم هذه، إذ تحدث فيها أحدهم وهو طبيب أسنان عن تحرشه بمريضاته خلال خضوعهن للفحص، وقال: البنت بتكون واضح عليها إنها عايزه تعمل كدا بيبان عليها من طريقة كلامها مع الدكتور، والموضوع بيكون باين أوي، واحنا مش بنتحرش بيها غير لما بنلاقي اللي قدامنا هو اللي بيبادر بكدا، وانت بيكون قدامك اختيارين، يا إما تدخل معاها في جدال أو تدخل معاها في الحوار أو إنك تكون مكسوف وتقعد ساكت باحترام والموضوع بيحصل أحيانًا مش دائما.
وخلال محادثة جماعية مع أحد أصدقائه أضاف: لما بيكون معاك بنت بتركز في سنانها ولا بيكون تركيزك فين، ليرد الآخر على حسب والله، لإن كل حاجة بتكون واضحة، وبعدين في بنات كتير بتيجي، فـ ساعتها إنت بتركز في مناطق كدا، كما قال محمود لصديقه طب انت مبتعملش إن في حاجة واقعة منك وتبص أو إنك تحاول تلمس جسمها بإيدك غصب عنك، فقاله لو الدنيا رايقه معايا بحك.
