بقعة دماء على السجادة.. كيف سقط قاتل محمد صوان في قبضة الأمن؟ | خاص
حصل القاهرة 24، على نص التحقيقات في قضية مقتل الشاب محمد صوان بالمرج، ودفن جثته داخل حفرة في المطبخ داخل منزل المتهم بمساعدة والده لإخفاء آثار الجريمة، لكن بقعة دماء على سجادة غرفته ورائحة الجثة، قادت رجال المباحث للعثور على مكان الجثمان المفقود، وذلك عقب تتبع خط سيره من كاميرات المراقبة.
كيف سقط قاتل محمد صوان في قبضة الأمن؟
وبمثول المتهم أمام جهات التحقيق كشف أنه خلال فترة تغيب محمد صوان عن أهله هاتفه والده قبل إلقاء القبض عليه ليخبره بأن رجال الأمن يريدون التحدث معه، قائلًا: يوم الأربعاء 21 أغسطس 2024 رجال الأمن جولي على الساعة 8 مساء، وأبويًا كلمني على التليفون وقالي أنت فين قولته أنا شوية وجي على طول، وبعد كده نزلت لفيت على الناصية عشان كنت قاعد على السطح وجيت لقيت فيه حكومة واقفه عند محل الموبيلات وطلعت البيت عادي فا أبويا قالي فيه أمين شرطة عايز يدردش معاك شوية.
وأضاف مصطفى المتهم بإنهاء حياة محمد صوان بالمرج أنه حاول تضليل رجال الأمن بإخبارهم أنه لم يرى المجني عليه منذ قرابة الـ 6 أيام، قائلا: نزلنا تحت وأبويا كلم أمين الشرطة وقاله تعالى عند محل أولاد جلال لقيت أمين الشرطة بيقولي أنت مصطفى قولتوا اه قالي أنت آخر مرة شوفت محمد أمتي؟ قولتوا كان يوم الجمعة كنا قاعدين على القهوة وبعد كده فضل يبص على كاميرات مراقبة في الشارع.
وأكد المتهم في اعترافاته أمام جهات التحقيقات أن رجال المباحث ذهبوا إلى منزل الضحية عقب استجوابه حول اختفاء المجني عليه، قائلا: وبعد كده دخلنا شارع البيت عندي والضابط نزل من العربية وقال فين مصطفى قولتوا أنا راح مركبني معاه وهما طلعوا البيت عندي قعدوا يدوروا في البيت لمدة ساعتين وبعد كدة روحنا بيت مصطفى أبو محمد وفضلوا يدوروا على أي حاجة تخص محمد وبعد كده رجعنا على شارع البيت بتاعي.
وأوضح المتهم بإنهاء حياة محمد صوان بالمرج أن الجهات الأمنية ألقت القبض عليه وولده وتم اقتيادهما إلى قسم الشرطة، قائلًا: الضابط طلع العمارة وقعد يدور فيها وبعد كده أخد أبويا ركبه معاه العربية وبعد كده طلعنا على القسم أنا وأبويا وفي القسم طلعت المباحث وبعد كده قالولي أنت آخر مرة شوفت المجني عليه أمتى؟ وقولتلهم نفس الكلام.
وأشار المتهم إلى أن رجال المباحث واجهوه ببقعة الدم والحفر بمكان دفن الجثة، ولم يجد سبيلًا سوى الاعتراف بجريمته، قائلا: وبعد كده قعد يقولي أيه بقعة الدم اللي على السجادة عندك قولتوا معرفش عنها حاجة راح وراني صورة المطبخ وأن هما مكسرين حته منه روحت قولت خلاص كده وحكيتله على اللي حصل كله وجيت على النيابة النهاردة وده كل اللي حصل.
