أقوال والد المجني عليه في جريمة المرج: ابني اختفى 5 أيام وبعدها عرفنا إن صاحبه قتله| خاص
يواصل القاهرة 24، نشر التحقيقات في قضية مقتل الشاب محمد صوان، على يد صديقه بواسطة سلاح خرطوش، ولم يكتف المتهم بذلك، فقام المتهم بمعاونة والده في الدلوف إلى الدور الأرضي محل العقار ودفن المجني عليه داخله ووضع طبقة عازلة على جثمان المجني عليه لمنع انبعاث الرائحة، لكن كانت هناك بقعة دماء على السجادة هي التي أوصلت رجال الأمن لفك لغز القضية قبل أن يتم إلقاء القبض على المتهمين.
أقوال والد المجني عليه محمد صوان في جريمة المرج
واستدعى رجال التحقيق مصطفى صوان 50 سنة ويعمل بمحلات جزارة، بصفته والد المجني عليه محمد صوان شاب المرج، لجلسة تحقيق عقب القبض عليه المتهمين بقتل نجله، وبسؤاله حول ما هي علاقته بالمتوفي؟ أجاب هو ابني.
س: ما هي بيانات المتوفى تحديدًا ؟
ج: هو اسمه محمد مصطفى من مواليد 25/8/2004 مقيم بالمرج.
س: وما هي سلوكياته؟
ج: هو 21 سنة وبيلعب جيم وشاطر في دراسته وولد الناس كله يتحبه وعمرة ما جبلنا مشكل
س: كيف نما إلى علمك سبب وكيفية حدوث وفاة نجلك محمد مصطفى صوان؟
ج: أنا عرفت من المباحث بعد بلاغ التغيب اللي أنا عملته.
س وما هي تفصيلات بلاغك؟
ج: اللي حصل أن يوم السبت 17 أغسطس 2024، محمد ابني كان عند أمه في الشغل وعرفت منها أنه راح المرج، وهي كلمته وموبايله اتقفل يوم كامل فروحت المرج مع مراتي لبيت أختها عشان أدور عليه، هناك عند أختها لما سألتها وقالت إنه كان تحت البيت ومشى فروحت أنا ومراتي عند سوبر ماركت في أول الشارع عند بيت أختها عشان أشوف الكاميرات.
وأكمل والد المجني عليه: بالفعل ظهر ابني في الكاميرات وهو لابس بنطلون أسود وتيشرت أسود كات وتحتيه تيشرت أبيض نص كم ودخل بلوك كده جنب الببت عند أخت مراتي، وبعديها اختفى من الكاميرات في الشارع، اللي بيطلع من الشارع اللي فيه الكاميرات، ومنعرفش داخل فين واختفي روحنا سألنا في الشارع ده محدش دلنا عليه.
وأردف والد المجني عليه: روحنا عملنا محضر في القسم وبعد كده اتبلغنا النهاردة من القسم 22/8/2024 حوالي الساعة 4 صباحا إن ابني توفى واتقتل واتدفن فيه حوالين المنطقة بتاعت بيت أختي وده كل اللي أعرفه وكل اللي حصل.
س: متي وأين حدث ذلك؟
ج: اختفى يوم 17 /8 /2024 واكتشفت أنه توفى النهاردة 22/8/2024 حوالي الساعة 4 صباحا.
