سوزي الأردنية تهاجم مستخدمي منصة التيك توك: محدش يجيب سيرتي
ظهرت التيك توكر الشهيرة سوزي الأردنية مُتصدرة ترند منصات التواصل الاجتماعي من جديد، بعد إثارة الجدل حول ارتباطها بـ أحد الأشخاص فور فسخ خطوبتها من التيك توكر طارق النشار، وجاءت سوزي زاعمة بأن هناك الكثير من مستخدمي السوشيال ميديا يستعملون اسمها للحصول على أكبر عدد من المُشاهدات.
سوزي الأردنية تتصدر الترند من جديد
أثارت التيكتوكر الشهيرة سوزي الأردنية الجدل عبر فيديو لها على حسابها الشخصي بمنصة التيك توك، مُهاجمة كل من يستخدمون اسمها للحصول على أكبر عدد من المُشاهدات، وجاءت قائلة: مع احترامي للناس كلها بس محدش ياخدني محتوى عنده.
وقالت سوزي عبر الفيديو: أنا مش أول واحدة تتخطب وتفك الخطوبة وتفكر ترتبط تاني وتدخل في علاقة جديد، أنا مأذتش حد، ولا حد شاف مني حاجة وحشة، كل شوية واحدة تطلع مع واحد ويجيبوا في سيرتي، ما خلاص يا جماعة الموضوع اتقفل.
وأردفت سوزي: محدش ليه دعوة أنا إيه اللي حصل معايا، أنت هتستفاد إيه لما تعرف سوزي سابت اللي كان معاها ليه؟ مفيش استفادة من الموضوع، خلاص محصلش نصيب كل واحد راح لحاله.
وأردفت خلال الفيديو: أنا لو متجوزة وعندي عيال وليا نصيب في حد هرجع له، لكن خلاص انا مليش نصيب في الشخص ده، محدش يجيب سيرتي في اي لايف سواء بـ الحلو او بـ الوحش.
واختتمت: انا امبارح بعد ما نزلت صور كنت في المستشفى، أنا مش هستفيد منكم لكن أنتم هتستفادوا بـ الريتش لما بتجيبوا سيرتي في اللايفات بتاعتكم.
الحكم على البلوجر سوزي الأردنية
والجدير بالذكر، أن دفاع البلوجر سوزي الأردنية صاحبة تريند آه الشارع اللي وراه، قال إن المحكمة قررت مدَّ أجل جلسة محاكمتها لجلسة 1 أكتوبر.
وفي وقت سابق، ظهرت التيك توكر سوزي الأردنية في فيديو على حسابها الشخصي، تعلن انفصالها عن خطيبها طارق وذلك بعد علاقة ربطتها لفترة طويلة.
وقالت سوزي الأردنية في فيديو نشرته على تيك توك: مش أول ولا آخر اتنين ينفصلوا محصلش نصيب، في ناس بتحب بعض وفي الآخر ميحصلش نصيب، ولا حد يطلع يعمل فيديوهات عليا ولا حد يعمل فيديوهات عليه، ويفضل يتكلم ويقول كنا متوقعين وكنا عاملين.
