في وشها تفاصيل حياتي.. أحمد سعد يهنئ ابنته الكبرى على طريقته الخاصة | صور
هنأ الفنان أحمد سعد، ابنته الكبرى جودي بعيد ميلادها، حيث تغزل بها ووصفها بأنه عرف على يديها معاني حب الأولاد.
ونشر أحمد سعد مجموعة صور جمعته بـ ابنته، وعلق عليها: البنت دي بنتي الحبيبة جودي، في وشها تفاصيل حياتي.. يمكن عشان هي حياتي، وكمان أنا عرفت على إيديها يعني إيه حب الأولاد، كل سنة وانتي طيبة يا جودي يا روح قلب أبوكي، بحبك والسنة الجاية تكوني أسعد إنسان في الكون عشان في حضني وجنبي.
تعرض أحمد سعد للسرقة
وفي سياق آخر، سبق وتعرض أحمد سعد للسرقة في مطار ميلانو، أثناء عودته منه، حيث كشف تفاصيل الواقعة، مشيرًا إلى أن حقيبته كان بها عدة ساعات عزيزة عليه، وبها ألماس وهدايا ثمينة، هذا بجانب العقد الذي ارتداه في الحفل ولفت به الأنظار، وقال سعد خلال لقائه في برنامج ET بالعربي: الخساير ولا حاجة من النعم اللي ربنا إدهالي، منها أول ساعة جبتها في حياتي، ساعاتي وألماظي اتسرقوا، وشنطتي كلها راحت في مطار ميلانو.
عودة أحمد سعد وعلياء بسيوني
وفي سياق آخر، تحدث أحمد سعد عن عودته لـ علياء بسيوني وتصدره التريند: أنا عايش عشان أنكش الناس أكل عيشي من نكش الناس، مهما كان الناس بينهم خلاف ليه ماندّيش بعض فرصة، ونبص لبعض بشكل مختلف، إحنا في ما بينا عيال، حتى العيال تلاقينا عملنا كل اللي بإيدينا، وعلياء الفترة اللي فاتت متغيرة معايا جدًا واكتشفت إن الحياة بيها أحسن، وهنعمل فرحنا والولاد يبقوا لابسين لبس الفرح معانا.
