محمد عواد يكشف كواليس فوز الزمالك على الأهلي والتتويج بالسوبر الإفريقي
كشف محمد عواد حارس مرمى الفريق الأول لكرة القدم في نادي الزمالك، عن كواليس تتويج الأبيض بكأس السوبر الإفريقي على حساب النادي الأهلي.
تصريحات محمد عواد
وقال محمد عواد في تصريحات تلفزيونية: رغبتنا في الفوز كانت كبيرة وأكبر من دوافع النادي الأهلي، واللاعيبة كلها عندهم خبرات، وقدرنا نحسم اللقب، وطول ما النتيجة كانت 1-0 كنا واثقين إننا هنتعادل ونرجع للمباراة.
وتابع: ناصر منسي شخصية طيبة جدا، والهدف اللي سجلوا مش هينساه، والكل فرحان عشانه، وده يعتبر أفضل تكريم للاعب، وبالمناسبة هو مجتهد جدا وبيركز أوي في التدريبات.
وأكمل: كان معايا فيديو لـ لاعيبة الأهلي بيلعبوا ضربات الجزاء إزاي، وبالزوايا اللي بيلعبوا فيها وتم تجهيزه من الجهاز الفني، والتصدي لـ ضربات الجزاء ده توفيق كبير من ربنا سبحاته وتعالي.
وتابع محمد عواد: خلال الماتش ماشوفتش احتفال رامي ربيعة وعمر كمال بعد ركلة الجزاء، لان كنت مركز بشكل كبير في ضربات الجزاء، وشفوفت الإحتفال بعد الماتش.
وأتم محمد عواد تصريحاته قائلا: يحيي عطية الله كنت متأكد انه هياخد قرار يلعب في الزواية اليسري، عشان كده روحت على الكورة وتصديت ليها.
