قصة سيدة تعمل دليفري على سكوتر: جوزي مريض ومبيقدرش يشتغل.. وكان لازم أكافح عشان نربي ولادنا| بث مباشر

تكافح سيدة تدعى شيرين من أجل توفير مصدر رزق لها ولأبنائها، خصوصا أن زوجها مريض كلى ويعاني من إصابته هذه منذ 21 عامًا، لذلك لم يكن أمامها سوى الكفاح على لقمة العيش بالحلال لتلبية احتياجات أسرتها.

قصة كفاح سيدة تعمل على سكوتر

وقالت السيدة شيرين إنها تعمل في توصيل الطلبات بواسطة الاسكوتر الخاص بها، لافتة إلى أن رحلة كفاحها اليومية تبدأ في تمام الساعة السادسة صباحًا.

وأضافت: يومي بيبدأ الساعة 6 الصبح بوصل ولادي المدرسة بالاسكوتر بتاعي.. لما بيخلصوا بروح أجيبهم وبعدين باخد جوزي أوديه المستشفى عشان بيغسل كلى.. بستنى جوزي يخلص وبعدين بنروح سوا وأرتاح شوية عشان أنزل أشتغل بالليل.

وأضافت السيدة شيرين أن زوجها يغسل كلى منذ 21 عامًا، إذ إن حالته الصحية متدهورة ولا تسمح له بالعمل، لذلك فهي الوحيدة التي تتولى مسؤولية الإنفاق على المنزل.

واستكملت: جوزي بقاله 21 سنة بيغسل كلى ومش بيشتغل ومالوش مصدر رزق.. غصب عني لقيت ظروفي صعبة وشايلة مسؤولية جوزي وولادي الأربعة.. بشتغل دليفري على الاسكوتر والحمد لله ربنا بيكرمني.

وأوضحت شيرين أن الدخل الذي تتحصل عليه من عملها على الاسكوتر لا يغطي جميع مصاريف أسرتها وعلاج زوجها، مختتمة: الدخل مش بيكفي مصاريفنا كلها بس لازم أشقى عشان نعيش.. مينفعش أتخلى عن جوزي في مرضه وبشتغل عشان أجيب مصاريف علاجه.. ونفسي في شغلانة كويسة عشان متبهدلش وأقدر أكفي مصاريف البيت.