بعد قرار حبسها.. حملة تضامن مع سوزي الأردنية تجتاح مواقع التواصل: بدأت تتغير وتكون أحسن
ضجت مواقع التواصل الاجتماعي بكلمات مؤثرة ضمن حملات تضامن أطلقها متابعو السوشيال ميديا مع البلوجر سوزي الأردنية، بعد قرار محكمة جنح المطرية أمس بحبس صاحبة تريند آه الشارع اللى وراه، سنتين وغرامة 300 ألف، على خلفية اتهامها بسب والدها على الهواء بألفاظ خادشة للحياء العام.
بعد قرار حبسها.. حملة تضامن مع سوزي الأردنية تضج مواقع التواصل
وضجت مواقع التواصل بمنشورات وفيديوهات تضامنا مع البلوجر سوزي الأردنية بعد إعلان قرار حبسها وتغريمها، ومن أبرز التعليقات: صعبانة عليا دي طيبة.
وتداول منشور على منصة فيسبوك للتواصل الاجتماعي، يحمل صورا لـ سوزي الأردنية مع شقيقتها مي من ذوي الهمم، وأسرتها، بكلمات مؤثرة: حقيقي صعبانة عليا أوي، سنها صغير وطيبة وحنينة على إخواتها، وكان نفسها تعيشهم عيشة حلوة مش زي ما هي عاشت، بتصرف على نفسها وعلى البيت وعلى أهلها، زعلت عليها أوي.
وقال منشور مُتضامن آخر: مش بدافع ولا أي حاجة، بس ليه واحدة هي اللي بتصرف على البيت يحصل معاها كده، وآخر كتب: البنت بدأت تتغير وتبقى أحسن.
كانت عمود البيت.. فيديوهات مُستخدمي التيك توك تدعم سوزي الأردنية
وظهر العديد من مستخدمي منصة التيك توك، مُتعاطفين مع سوزي بعد إعلان قرار حبسها، حيث قال أحد المستخدمين: سوزي أهم حاجة عندها إخواتها وأهل بيتها، ويوم ما غلطت اعترفت بـ غلطها وبقت ماشية على الصراط المستقيم، دي كانت عمود البيت وشايلة نفسها وشايلة إخواتها، ربنا يفك كربها.
وشارك مُستخدم آخر على التيك توك، قائلًا: صاحبة تريند آه الشارع اللى وراه تاخد سنتين سجن.. أنتوا عارفين هي قالت ليه كدة اصلًا، عشان أبوها كان بياخد منها فلوس اللايفات بتاعت التيك توك، دي طلعت قالت جملتين من عصبيتها، والبنت مؤخرًا بطلت تشتم وحياتها بقت كويسة إلى حد ما، يا رب تخرج منها على خير.
عايزة تكون حد كويس.. تعليقات المتابعين بعد قرار حبس سوزي الأردنية
وظهرت أيضًا صديقتها التيك توكر مايفين في فيديو: دي واحدة لسه بتبدأ حياتها، ومن ساعة ما اتعرفنا اتفقنا هنبدأ عُمر جديد مع بعض، هي عايزة تكون أحسن وحد كويس، دي في حالها ومش عايزة تأذي حد.. ادعوا لها.
وتعد هذه المنشورات والفيديوهات بمثابة حملة تضامن واسعة عبر مواقع التواصل الاجتماعي، بعد إعلان قرار حبس سوزي الأردنية صاحبة ترند آه الشارع اللى وراه، سنتين وغرامة 300 ألف، على خلفية اتهامها بسب والدها خلال بث مباشر على الهواء عبر منصة التيك توك بألفاظ خادشة للحياء العام، بسبب أزمة مالية زعمت خلال تفاصيلها سوزي بـ أن والدها أخذ من أموالها الشخصية 50 ألف جنيه دون علمها.
