عيشتنا بقت أحسن.. وحش الكون بالتحقيقات: كنا بنفتح لايفات بالليل وتعمدنا الإغراء لزيادة المشاهدات | خاص
كشفت التيك توكر هبة والمعروفة بوحش الكون أمام جهات التحقيق، أنها لم تكن تقصد أن تعرض حياة بناتها للخطر، موضحة أنها في بداية الأمر لم تكن تعلم أي شيء عن البث المباشر عبر مواقع التواصل الاجتماعي.
وقالت وحش الكون في التحقيقات: أنا مكنش قصدي أعرض حياة بناتي للخطر، ولا قصدي أتاجر بيهم على الإنترنت، وأنا وبناتي عايشين مع أبويا.. وزوجي كان هو اللي بيصرف علينا في البداية، بس في آخر سنتين مكنش بيصرف علينا، وسبت ليه البيت وروحت عشت مع أبويا، وهو اللي كان يصرف علينا، بس داخله كان على قده، ومكناش عايشين كويس، وظروفي كانت صعبة، ومشتغلتش قبل كده عشان شهادتي مش عالية.
وحش الكون في التحقيقات: تعمدنا الإغراء لزيادة المشاهدات
وأضافت التيك توكر وحش الكون: أنا بكسب فلوس من على النت، وفي الأول مكنتش أعرف حاجة عن فكرة البث المياشر “اللايف”، وبناتي الاتنين عرفوني على اللايف، وقالولي هنكسب من البيت وإحنا فاتحين النت وعجبتني الفكرة ووافقتهم عليها، ولما جربنا في أول حساب على التيكتوك ودخلنا منه فلوس لقيت الموضوع سهل، وغرضي من اسم وحش الكون هو لفت الانتباه، وكنا بنقول أسامي المتابعين والداعمين اللي بيبعتوا هدايا وبنشكرهم عليها.
وأكملت: كنا بنلبس لبس خروج عادي، وكان بيتابعنا 20 ألف متابع على الحساب القديم، ولما الحساب اشتغل عملنا حساب باسم وحش الكون، واشتغالنا عادي، وكل التيك توكر بيعملوا زينا، وإحنا مش بنعمل أي حاجة زيادة عن الناس التانية، وبيجلنا ربح مادي كويس، والمحتوى كان كله عبارة عن إنه نطلع إحنا الـ 3 مع بعض، وكنا لابسين وحاطين مكياج، وبنتفاعل مع الداعمين ونقول أسمائهم ونتكلم في أي حوارت، وكنا بنقعد ساعات بلبس البيت، ولبس مناسب للظهور على النت عشان نلفت بيه الانتباه، وكان بيبقى قصدنا نجذب الانتباه في اللايف، وكنا بنبقى واخدين راحتنا شوية، وبنتي الصغيرة كانت بتقعد على السرير وأنا وبنتي الكبيرة قاعدين على الأرض.
واختتمت التيك توكر المعروفة بوحش الكون: حسابي عليه 380 ألف متابع، والحساب البنكي عليه 300 ألف جنيه تقريبًا، وعايشة أنا وبناتي من فلوس التيك توك، وجبت موبيلات ولبس وعيشتنا بقت أحسن، وكان قصدي إنهم يطلعوا باللبس والشكل ده عشان نجذب المتابعين ونحقق ربح مالي وعيشتنا تتحسن.
